ఊతచేష్టలు-ఉద్ధెరచదువులు: - అంకాల సోమయ్య -దేవరుప్పుల -జనగామ -9640748497

ఎందుకీ చదువులు

జ్ఞాన లేమి చదువులు

చూచి వ్రాతల పరీక్షలు

వందకు వంద మార్కులు 

ప్రత్యక్షానుభవ పరీక్షల్లేవు

నిరంతర మూల్యాంకనం లేదు

చదువుకునేవాడికి శ్రద్ధేలేదు  

సమయసారిణిలేనేలేదు

సమయపాలన అసలేలేదు

స్మార్ట్ ఫోనే విజ్ఞానసర్వస్వం 

బొక్కల ప్యాంటు ధరిస్తారు 

వెకిలి చేష్టలు, వదరుబోతులు

భూమికి భారమైనోళ్ళు

ముందు కాలపు ముదనష్టపుతరం

తలుచుకుంటేనే వణుకు బుట్టు

తప్పుచేసిన దండన శూన్యం 

టీచర్లిక్కడ నిమిత్తమాత్రులే

మనసు చంపుకొని ఉద్యోగాలు 

మార్పురాని పిల్లల జీవితాలు

చెబితే వినని చెడ్డ కోతులు 

వాడి పాకెట్టు మనీకి కోతబెడితే

తిండి బెట్టి అమ్మానాన్న 

తిట్ల దండకం ఎత్తుకుంటే

ఎదురుతిరిగితే

ఏకాకిని చేస్తే 

దెబ్బకు దయ్యం వదిలిపోదా!

సోయికొస్తే బ్రతుకు మారదా!