నిజమే కదూ!: - -గద్వాల సోమన్న, గణితోపాధ్యాయుడు, ఎమ్మిగనూరు,సెల్:9966414580

నింగిలోని వేగు చుక్క

చీకట్లు తరుముతుంది

పుడమిపై చిన్ని మొక్క

పచ్చదనం పంచుతుంది

ఇంటిలో పెంపుడు కుక్క

రక్షణ కల్పిస్తుంది

కాసింత గంధపు చెక్క

తావులు వెదజల్లుతుంది

అమూల్యమైనది చెలిమి

జీవితాల్లో  బహు బలిమి

కల్గియుంటే క్షేమము

అదే తరిగిపోని కలిమి

దాహాన్ని తీర్చుతుంది

కాపాడితే చెరువు

ఆయుస్సును పెంచుతుంది

సంరక్షిస్తే తరువు