ప్రశ్నిస్తోంది కాలం...: - కవిరత్న-సాహిత్య ధీర--సహస్ర కవి భూషణ్-పోలయ్య కూకట్లపల్లి-అత్తాపూర్ హైదరాబాద్

నమ్మించి వంచించి..

బెదిరించి హింసించి..

అక్రమంగా ఆస్తులు ఆర్జించి,

స్విస్ బ్యాంకుల్లో

దోపిడీ సొమ్ము దాచుకునే

ఆ అవినీతి జలగలకు..

కంటినిండా కునుకెక్కడిది..?

కడుపునిండా తిండి ఎక్కడిది..?

నిన్న వాగ్దానాల

వానలో ముంచిన నేతలు,

నేడు ఆకలితో అలమటించే

అనాధలను చూడరేం?

ఓట్ల వేటలో చూపిన ఆ ఆర్తి..

నేడు ఆర్తుల చెంతకు చేరదేం..?

నిదురపోని

చూపులెవరివి? - దేవతలవి

నిప్పులు గక్కే చూపులెవరివి? -

కామ పిశాచులవి...

నిజమైన కాంతి మృగ్యమైన వేళ,

కాలయముడి కరాళ నృత్యం ఎక్కడిది..?

తాడును చూసి పామనుకునే

పిరికివాడికి విజయమెక్కడిది..?

చిత్తశుద్ధి లేక శివపూజలు చేసే

భక్తుడికి మోక్షమెక్కడిది..?

దుష్టులను కన్న ఆ దౌర్భాగ్యపు 

తల్లిదండ్రులకు మనశ్శాంతెక్కడిది..?

పేగు బంధాన్ని తెంచుకుని,

కన్నవారిని కన్నీరు

పెట్టించే ఆ కఠినాత్ములకు..

సంఘంలో గౌరవమెక్కడిది..?

స్వర్గంలో చోటెక్కడిది...?

ప్రశ్నిస్తోంది కాలం...జవాబిచ్చేదెవరు?