ఆ ఆట పేరు చెప్పండి :- ఎడ్ల లక్ష్మి

జానయ్య తాత వచ్చాడు 

జానెడు కట్టే తెచ్చాడు 

పిరికేడు సిర్ర చెక్కాడు 

చిట్టి బొద్ధి తవ్వాడు 

దానిమీద సిర్ర పెట్టాడు 

గోనె తోటి కొట్టాడు 

బిర బిర లేసి ఆ సిర్ర

ఎంతో దూరమెళ్ళింది

గోనె పట్టి కొలిచారు 

సిర్రకు బొద్ధికి దూరం 

ఎన్ని గజాలో చెప్పారు 

పిల్లలు ఒంట్లు నేర్చారు 

ఆడే స్థలము చేరండి 

ఆటను మీరు చూడండి 

ఆ ఆట పేరు చెప్పండి 

గేయంలో గుట్టు విప్పండి