ప్రయాణం : - యామిజాల

పరిచయమైన

సన్నిహితంగా మెలిగే వారి

తీరు

కొన్నిసార్లు

నొప్పించేలా చేసి 

బాధ పెట్టొచ్చు 

కానీ అది 

మన జీవితంలో 

తదుపరి స్థాయికి 

తీసుకుపోయే మార్గం కూడా కావచ్చు

కనుక

బాధపడటం అనవసరం

అందరి హృదయాలు 

ఒకే పరిమాణంలో ఉంటాయి 

కానీ 

అందరి హృదయాలలో 

దయ, మానవత్వం 

ఒకే విధంగా ఉండవు

అలా ఉండాలనుకోవడం

అత్యాశే

వారు 

మనల్ని తప్పుగా అర్థం చేసుకున్నారని 

వారు మనల్ని చాలా అర్థం చేసుకున్నారని

 చెప్పకుండా దూరంగా ఉండటమే

ఉత్తమ ప్రతిస్పందన

మన దారి వేరైనా

అది మున్ముందుకు

సాగిపోయేటట్లుండాలి తప్ప

ఆగిపోకూడదు ప్రయాణం