1.
ఆది/ఆధునిక కాలం,
సగటు మనిషి బతుకు శోషణం!
మనిషి నైజం సాటి ,
మనిషి స్వేచ్ఛ హరణం!
మనిషి మనిషిని బంధించి, ఉంచడమే మహారణం!
సంతలో పశువుల్లా మనుషుల్ని, కొనడమే ఉదాహరణం!
బానిసలను చేసి గొలుసులతో, బంధించడం ఎంత దారుణం?
2.
ఓ మనిషిని బాహ్యంగా,
బంధించే గొలుసులు !
వాడి సంకల్పం ముందు,
తెగిపోయే దారం పోగులు!
అనాదిగా స్వేచ్ఛే ,
మనిషికి ప్రాథమిక ఇచ్ఛ!
అణచివేతలోనేగా,
అంకురించు స్వాతంత్ర దీక్ష!
బానిసత్వ విమోచన,
పోరాటాల అదే శ్రీరామరక్ష!
3.
మానవ వికాస సజీవ ,
సాక్ష్యాలు విప్లవాలు!
మనిషి స్వేచ్ఛా ప్రియత్వ,
ఆరని జ్వాలలు!
నియంతల జీవితాల ,
మరణ శాసనాలు!
బంతి నేలకేసి కొడితే ,
మరింత పైకి లేస్తుంది!
ఇంతి శరీరాన్ని బంధిస్తే ,
ఇంతింతై ఎదుగుతుంది!
4.
మనిషిని బంధనాలు,
వెనక్కి లాగుతాయి!
చర్యకు సమానమైన,
ప్రతిచర్యల్లా!
వేసే అడుగులు,
ముందుకే పోతాయి!
హింసకు గురి చేస్తే,
అహింస ప్రదర్శిస్తాయి !
సత్యాగ్రహంతో ,
అన్వేషణ కొనసాగిస్తాయి!
5.
బంధాలేవి, ప్రతిబంధకాలు ,
కానే కావు!
దౌర్భాల్యం అధిగమిస్తే ,
అవే పురోగమన సాధనాలు!
ధిక్కరించిన అన్నమయ్య ని , బంధించాయి గొలుసులు!
నారసింహ మంత్రంతో ,
పురికొసల్లా తెగిపడినాయి!
నరుడు సింహమైతే బంధించే, గొలుసులు ఇల లేనే లేవు!
=========================
addComments
కామెంట్ను పోస్ట్ చేయండి