పిల్లలం-బడి పిల్లలం !: - గుర్రాల లక్ష్మారెడ్డి కవి రచయిత-సెల్.9491387977. కల్వకుర్తి-నాగర్ కర్నూల్ జిల్లా తెలంగాణ

మేం పిల్లలం బడి పిల్లలం

మా భరతమాత మల్లెలం

రోజు వెళతాం మా బడికి

జీవిత పాఠం నేర్పే గుడికి !

జాతీయ గీతం పఠిస్తం

వందేమాతరం జపిస్తం

ప్రతిజ్ఞ పాలన పాటిస్తం

త్రికరణ శుధ్ధికి చోటిస్తం 

ఆటలు అంటే మాకెంతో ప్రేమ!

ఆ ఆటలకై మేం పడతాం శ్రమ

పాటలంటే మాకెంతో  ప్రాణం

వినిపిస్తాం మేం గంధర్వ గానం

పాటలకు పల్లవియే ప్రాణం

ఆటలకు చెల్లదు నిస్త్రాణం

గురువు చెప్పిన ఈ మాట

మరువం మేము ఏ పూట !

ఆటపాటల ఆయువును పట్టి

తెలివితేటలతో మేం జతకట్టి

మైదానంలో ఆడుతాం నిత్యం

నిదానం పాటించుట సత్యం  !

పాటల పల్లకి  వెంటనే ఎక్కి

పాటల పల్లవికే ఉంటేనే చిక్కి

పాట స్ఫూర్తిని పెంచుకుంటం

 గెలుపు బాటను ఎంచుకుంటం !