గురువులకు వందనం!: - గుర్రాల లక్ష్మారెడ్డి కవి రచయిత.-సెల్.9491387977. కల్వకుర్తి నాగర్ కర్నూల్ జిల్లా.

నవ మాసములు తన గర్భంలో నను మోసి

నా యద ఫలకంపై ఓలమాలను తానిక వ్రాసి

అక్షరాస్యునిగా నను మార్చి ఆశీర్వచనంతో ఓదార్చే

మొదటి గురువు మా కన్నతల్లి ఆమెగా మా కల్పవల్లి !

మేం చదివేటి బహు పుస్తకాలను కొనిచ్చి

మా మస్తకాల జాగృతి పదును ను ఎంతో మెచ్చి

వెంటనే మమ్మిక మా చదువుల బడిలో చేర్పించిన

నాన్నే మాకు రెండవ గురువు ఆయనే మాకాదెరువు !

మా పాఠశాలలో ప్రతినిత్యం పాఠం చెప్పే మాస్టారు 

మాకు చక్కగా బోధిస్తారు హుషారు కలిగిస్తారు

మాలో అజ్ఞానాన్ని తొలగించి విజ్ఞానాన్ని వెలిగించే

మస్తారే మా మూడవ గురువు అతనే మాకు ఆదెరువు !

మాలో తమస్సును తొలగించి ఉషస్సుని వెలిగించే

బ్రతుకు బాటలో చిరంజీవులై జీవించాలని భావించే

మా ప్రత్యక్ష దైవాలైన మా అమ్మ నాన్న గురువులు

ఐన ఈ త్రిమూర్తులకు వందనం మా అభివందనం !