మాకిష్టం: - గుర్రాల లక్ష్మారెడ్డి కవి రచయిత-సెల్.9491387977. కల్వకుర్తి-నాగర్ కర్నూల్ జిల్లా తెలంగాణ

గోరుముద్దలు తినిపించే

తీపి ముద్దులు కురిపించే

మా అమ్మంటేనే మాకిష్టం

మాకు లేదులే ఇక ఏ కష్టం !

చదువులు ఎన్నో చెప్పించు

అడిగినవన్నీ ఇక  ఇప్పించు

మా నాన్నంటేనే మాకిష్టం

మాకు లేదులే ఇక ఏ కష్టం !

 పలు నీతి కథలను చెప్పేటి

  పొడుపు కథలను విప్పేటి

 తాతయ్యంటే మరింత ఇష్టం

 మాకు లేదులే ఎలాంటి కష్టం !

చదరంగం ఆటను ఆడించే

పదబంధం పాటను పాడించే 

నాన్నమ్మ అంటేనే మా కిష్టం

మాకు లేదులే ఎలాంటి కష్టం !

తీయని తాయిలం ఇప్పించే

మోహిని హాయిని కలిగించే

మా మామయ్యంటే మాకిష్టం

మాకు లేదులే ఎలాంటి కష్టం !

పదవుల ధర్మం చెప్పేటి

చదువుల మర్మం విప్పేటి

మా గురువంటేనే  మాకిష్టం

మాకు లేదులే ఎలాంటి కష్టం !

.