మన బాపు సంకల్పం !: - గుర్రాల లక్ష్మారెడ్డి కవి రచయిత.-సెల్.9491387977. కల్వకుర్తి నాగర్ కర్నూల్ జిల్లా.

మన జాతిపితామహ బాపూజీ పుట్టింది

పోరు బందరు అను పురాతన గ్రామంలో

ఎదిగి పోరు సల్పుతూ తాను కాలు పెట్టింది

భారత స్వాతంత్ర సమర సంగ్రామంలో !

స్వతంత్రించి సమరభేరి మ్రోగించారు

స్వాతంత్ర సమరాన్ని తాను సాగించారు

ఆంగ్లేయుల పర ప్రభుత్వాన్ని ఎదిరించారు

వారి గుండెల్లో సింహ స్వప్నమై నిదురించారు !

స్వాతంత్రం సాధించి మనకు వారు అందించుటకు

అహరహం సమరం సాగించనుగా బాపూజీ

పలాయనమైన పరతంత్ర ఆంగ్ల ప్రభుతకు

స్వర తంత్రులు తెగేలా కలిగించే ఇబ్బంది జీ !

ఓ బాపూ  మా బాపూ చూడు నీవు మా వైపూ

ఉండాలి మీరు మా ప్రక్కన రేపూ మాపూ

ఏది ఎక్కడ చురుకైన మీ చక్కని ఓ చూపు

గ్రామాల్లో పారిశుద్ధ్య పనుల స్థితి గతుల వైపు !

దేశానికి పల్లెటూళ్ళే పట్టుకొమ్మలని అన్నావు

స్థిరంగా ఉండే మెట్టు దిమ్మెలై నిలవాలను కొన్నావు.

మస్తు మస్తుగా ఆలోచించి కలలెన్నో నీవు కన్నావు

ఆ కలలన్నీ కల్లలయ్యేనని వగచి చింతించావు !

పారిశుధ్యం పై దళితులకు అవగాహన కలిగించావు

బహుళ జన జాగృత బృందంలో వారి విలువను వెలిగించావు

సదా వరలా జీవించాలని మీరు వారిని దీవించారు

ఆర్భాటం లేకుండా యధావిధిగా ఉండాలని భావించారు !

ఆంగ్లేయుల గుండెల్లో మీరు డప్పులనే కొట్టినారు

జైల్లో ఒంటరిగా ఉండి చెప్పులనే ఇక కుట్టినారు.

లేకి పని పాకి పని అనకుండా మీరు చేసి చూపినారు 

శ్రమ విలువను నిలువెత్తు శిఖరంపై నిలబెట్టినారు !