మంగళ హారతి: - గుర్రాల లక్ష్మారెడ్డి -సెల్.9491387977.

హారతి అందుకో తెలుగు వెలుగు భారతి

మంగళ హారతి అందుకో మా బ్రహ్మసతి

దివ్యమైన ఈ హారతి భవ్యమైన మా హారతి

సదా వెలుగు హారతి ఈ మంగళ హారతి !

మంగళ హారతి అందుకో ముందుగా

సురులు భూసురులు మెచ్చుకునే విందుగా

మా హారతి అందుకో ఓ మా భారతి

మంగళ హారతి అందుకో ఓ సురసతి !

సుప్రభాతమందు మేం స్నానమాచరించి

మా నుదుటన సింధూరం తిలకం ధరించి

పసుపు కుంకుమలతో ముఖ ప్రక్షాళన గావించి

మా మనసులో నిన్ను మనసారా ధ్యానించి

మేము ఇచ్చేటి ఈ హారతి అందుకో భారతి!

మేం అందించే ఈ హారతి అందుకో భారతి

దివ్యమైన ఈ హారతి భవ్యమైన మా హారతి

ఈ మంగళహారతి మా మంగళప్రదమైన భారతి

అందుకొని మమ్ముల దీవించు బ్రహ్మసతి !