వృద్ధాప్య శిశువులు : - అంకాల సోమయ్య -దేవరుప్పుల -జనగామ -9640748497

కంటిచూపు ఆననోళ్ళు

ఆశలన్నీ రాలినోళ్ళు

మతిమరుపు వరమైనోళ్ళు

రెండో బాల్యం పొడచూపిన

పండుటాకులు

వీరు తాము కన్నకొడుకులకు

కొడుకులాంటి వాళ్ళు 

తమపిల్లలవోలే

ప్రేమగా చూడవలసిన పెద్దవాళ్ళుకు

మనమే అమ్మానాన్నలము

జాలిగా మన వైపు 

చూసెటోళ్ళు 

ఎన్నోబాధలు అనుభవించినోళ్ళు

స్వార్థపరులైన 

కొడుకు కోడళ్ళ

ఆరళ్ళకు బలైపోయినోళ్ళు

ఉన్నదంతా తమ పిల్లలకు పంచి

చేతిలో చిల్లిగవ్వలేనోళ్ళు

వృద్ధాశ్రమంలో తలదాచుకునేవాళ్ళు

 

ఆకలి రోగాన్ని జయించలేక

కంచంలో కూడువేసే నాథుడే కరువై

వీధి వీధి తిరిగి 

భిక్ష మెత్తే

అందరున్నా ఎవరూ లేని 

అనాథలు వారు

ధనమున్న నిర్భాగ్యులువారు.