జయగానం(గాయాల వేణువు) - అంకాల సోమయ్య -దేవరుప్పుల-జనగామ-9640748497

చచ్చినా బ్రతకాలి

మన ఆశయాలను బ్రతికించి చూపాలి 

త్యాగం మనపేరుగా నిలవాలి 

మంచి మానవత్వానికి మనం నిలువెత్తు నిదర్శనమవ్వాలి

స్వేచ్ఛ స్వాతంత్ర్యాలు

జాతిని నడిపించాలి 

పరోపకారం మన జీవనవిధానమవ్వాలి

చెడును త్రుంచి మంచి పెంచే

మార్గదర్శకులంమనమవ్వాలి

జాతి అనైక్యత పొడచూపితే 

ఏకతాటిపైకి తెచ్చి ఏకత్వం చాటాలి

విపత్కర పరిస్థితుల్లో కూడా 

విజ్ఞతను చూపేటి

విశ్వాసులమవ్వాలి

మనం నేర్చిన చదువు

సంఘం నీతి నియమాలు

సామాజిక పునాదులుగా

సన్మార్గం వైపు నడవాలి

సమసమాజ స్థాపనకై మనంకదంతొక్కికదలాలి 

సామాజిక ఉద్యమాలు

త్యాగధనుల ఆశయాలు 

భావితరాలకు స్ఫూర్తిగా 

ముందుకు తీసుకెళ్లాలి

జాతీయవాదమే ఆమోదయోగ్యమై

సమాఖ్య స్ఫూర్తిచాటాలి

భారతజాతి భాగ్య విధాతవ్వాలి