సర్దుకుపోదాంరండి (కూయలేని కోయిలలు)- అంకాల సోమయ్య -దేవరుప్పుల-9640748497

 అంతా
హడావుడి ఆర్భాటం 
డాబుదర్పంకొందరిది
దయనీయత
మరికొందరిది
కాలాతీతమై
కొందరిలో 
హెచ్చిన బీపి
మరికొందరిలో 
డౌనైన షుగర్ లెవెల్స్ 
ప్రధాన వేదిక పై
 గానం చేయలేని
కవికోకిలలు
శాలువా జ్ఞాపికలతో సన్మానం 
మమా అంటూ ముగింపు తంతు
పూర్తి చేసిన 
మాన్యులు ప్రముఖులు 
ఎన్ని వ్యయప్రయాసలు కోర్చి వచ్చిన 
తొందరపడ్డప్పటికి కూయలేని
ఉగాది కోయిలలు 
సర్దుకుపోదాం రండి
అన్న సహచరులు 
మరొకమారు ఇలా జరగరాదంటున్న
 కవులు, కవయిత్రులు
కవులు ఆగ్రహించగలరు
కవులు అనుగ్రహించగలరు 
కవుల ప్రజలెన్నుకొనని
ప్రజాప్రతినిధులు 
సమాజానికి చైతన్య గవాక్షాలు
కవులు సమాజానికి దిక్సూచిగా 
నిలిచేవారు