ఏదేశపు వాణిజ్యపుకుట్ర : - అంకాల సోమయ్య-దేవరుప్పుల -జనగామ-9640748497

ఏం జరుగుతుందో తెలియదు 

నా వాళ్ళెక్కడున్నారు తెలియదు

ఊర్లకూర్లే వల్లకాడులై

పిల్లలు వయోవృద్ధులు 

రోగ గ్రస్తులు చెల్లాచెదురైన

భీతావహాదృశ్యం

ఏ ఆధిపత్యపుఅహంకారమో!?

ఏ మారణాయుధపు భయోత్పాతం

ఏ లక్ష్యసాధనకోసం 

ఈ దమనకాండ 

ఈ యుద్ధమేఘం 

ఏ దేశపు వాణిజ్యపుకుట్ర కోణం 

ఈ అసంబద్ధపు శతృత్వం 

ఏ దేశపు ఆశయసాఫల్యం

మానవవనరులను తుదముట్టించే నరమేధం 

చమురు దోపిడీ సూత్రమా!? 

ఆయుధాలు విక్రయమునకై

భయానకపు ప్రళయ గర్జన

ప్రపంచానికే పెద్దన్న దేశపు

పేరాశే బుద్ధే

ఈ ఆయుధ(కృత్రిమ)పోరా!?

విజ్ఞానం హెచ్చెనేని విశ్వశాంతి వర్థిల్లునుగా

ధనదాహం యుద్ధం కాంక్ష 

ఏ ఫలమాశకు ప్రతీకో గదా!?

ఐరాస చర్చచేయదా దేశాలకు

పెద్ద దిక్కై

భారతదేశం శాంతి సౌధం 

విఘాతమ్మును సహించబోదు

శాంతి చర్చలు జరపవలయు

కుత్సితాలు దూరంకావలయు

ఎల్లలోకం ఒక్క ఇల్లై

ఆధిపత్యములెల్లకల్లై

శాంతి సౌఖ్యం సమరసభావం 

వర్థిల్లెనేని

భూలోకమే స్వర్గమౌను 

సుఖశాంతులు సొంతమౌను