ఆ రాముడు మళ్ళీ పుట్టాలి(సకల గుణాభిరాముడు):- అంకాల సోమయ్య -దేవరుప్పుల -జనగామ-9640748497

ఆ రాముడు మళ్ళీ పుట్టాలి 

ఆ సకల గుణాభిరాముడే

ఈ జగతినేలాలి

అధర్మంరాజ్యమేలుతున్న

ఈ లోకాన్నుద్ధరించడానికి

ఆ రాముడు మళ్ళీ పుట్టాలి 

సత్యవాక్పాలన రుచి చూడాలంటే 

ఆ రాముడీ భువికి రావాలి 

స్వార్థంపెచ్చరిల్లిన సంఘంలో 

పరోపకారం పరోమోధర్మః అని

ప్రబోధించుటకై ఆ రాముడే 

ఈ అవనికి రావాలి 

ఏకపత్నీ వ్రతుడు పరమపూజ్యుడు

శ్రీ రామచంద్రుడు 

ఆదర్శ దాంపత్యం గూర్చి 

నవవధువులకు తేటతెల్లపరచుటకై

ఈ భూతలానికి రావాలి

రామతత్వం సకల మానవాళి 

ఆత్మ తత్త్వమని మనం తెలుసుకోవాలి