గొలుసుకట్టు: -- తమిళంలో రామ్ పెరియసామి-- అనుసృజన - జయా

నా పెరట్లో ఉన్న పిల్లి 

ఎదురింటి తలుపు నెట్టి పాలు దొంగిలించి ఆకలి తీర్చుకుంది.

 

ఆ ఇంటి యజమాని 

వీధిలో తిరుగుతున్న ఆవు నుంచి

దొంగతనంగా పాలు పితికాడు. 

ఆ ఆవేమో ఆ సమయంలో 

గోడమీద అతికించిన ‘కన్నీటి అంజలి’ పోస్టర్‌ను తింది. 

కన్నీటి అంజలి పోస్టులో ఉన్నతను తన తల్లికి 

అబద్ధం చెప్పి తాగి వాహనం నడుపుతూ రోడ్డు ప్రమాదంలో చనిపోయాడు. 

ఇలా గొలుసుకట్టులా సాగిన ఈ ఘటనలు అన్నీ ముడిపడి ఉన్నాయి.

పిల్లి పులిగా మారుతుంది 

పులి పిల్లిగా మారుతుంది అనేదంతా పాత కథ. 

ఏడు సముద్రాలు,

ఏడు జన్మలు వంటి కథలన్నీ

అనంతం