రెమింగ్టన్ టైప్ రైటర్: - - యామిజాల జగదీశ్

 అది మార్చి 1, 1873.
రెమింగ్టన్ ప్రపంచంలోనే మొట్టమొదటి ఆచరణాత్మక టైప్‌రైటర్‌ను తయారు చేయడం ప్రారంభించిన రోజు.
ఆయుధాల తయారీదారు రెమింగ్టన్ ఓ రోజు ప్రత్యామ్నాయ పరిశ్రమలలోకి ప్రవేశించాలని అనుకున్నాడు.
1870లో కుట్టు యంత్రాల తయారీని ప్రారంభించాడు. 
1868లో తన టైప్‌ రైటర్‌ కు పేటెంట్ పొందిన క్రిస్టోఫర్ షోల్స్ దానిని ఉత్పత్తి చేయలేకపోయాడు.
రెమింగ్టన్ పేటెంట్‌ను కొనుగోలు చేసి దానిని తయారు చేశాడు. వారు ఇప్పటికే కుట్టు యంత్రాలను తయారు చేస్తున్నందున, టైప్‌రైటర్ కూడా కుట్టు యంత్రాన్ని పోలి ఉండేది. దీనికి కుట్టు యంత్రం లాంటి స్టాండ్, అది పూర్తయిన తర్వాత లైన్‌ ను ప్రారంభానికి తిరిగి నెట్టడానికి ఫుట్ పెడల్ సిస్టమ్, పూల ఎంబ్రాయిడరీ ఉన్నాయి.
ఇది నేటి టైప్‌రైటర్ల చాలా లక్షణాలను, స్థూపాకార ముద్రణ వ్యవస్థ, QWERTY కీబోర్డ్‌ను ప్రవేశపెట్టినప్పటికీ, ఇది పెద్ద అక్షరాలను (క్యాపిటల్ లెటర్స్)
మాత్రమే టైప్ చేసే వీలుండేది.
1878లో వచ్చిన రెండవ తరంలో చిన్న అక్షరాలను (స్మాల్ లెటర్స్) కూడా టైప్ చేసే అవకాశమొస్తే చింది. వివిధ తయారీదారులు ఉత్పత్తి చేయడం ప్రారంభించడంతో, 1910లో తేడాలను తొలగించడానికి ఒక సాధారణ డిజైన్ సృష్టించారు. టైప్‌రైటర్లు వాటి ప్రస్తుత రూపాన తయారయ్యాయి. ఈ టైప్‌రైటర్లే ​​మహిళలను ఆఫీసు పనిలోకి తీసుకువచ్చాయి! 
1868లో షోల్స్ సృష్టించిన టైప్‌రైటర్ విజయవంతమైనప్పటికీ, 15వ శతాబ్దంలో ప్రింటింగ్ ప్రెస్ వాడుకలోకి వచ్చిన తర్వాత ఒకే కాపీలాగా ముద్రించే మార్గం కోసం అన్వేషణ ప్రారంభమైంది.
1575లో ఇటాలియన్ ప్రింటర్ సృష్టించిన యంత్రం నుండి 1870లో హాన్సెన్ అనే డానిష్ వడ్రంగి సృష్టించి వాణిజ్యపరంగా విక్రయించిన రైటింగ్ బాల్ యంత్రం వరకు టైప్‌రైటర్ 52 సార్లు తయారయ్యాయి.