ఇదీ ఆయన తీరు:- - యామిజాల జగదీశ్

 లాల్ బహదూర్ శాస్త్రి కన్ను మూసినప్పుడు, యావద్దేశం శోకసంద్రంలో మునిగిపోయింది. కానీ అసలైన మనోవేదన ఆ తర్వాత కలిగింది...ఆయన నిజంగా తన వెనుక ఏం వదిలివెళ్లారో ప్రజలకు తెలిసినప్పుడు!
సంపద కాదు.
ఆస్తులు కాదు.
దాచి పెట్టిన నిధులు కాదు.
దానికి బదులుగా, వారికి ఇవి కనిపించాయి:
ఓ బ్యాంకు రుణం
కొన్ని సాధారణ వస్త్రాలు
కొన్ని పాత పుస్తకాలు
ఇంటి అద్దె రసీదులు
ఒక దేశాన్ని నడిపించిన మహనీయుడు... 
తన సొంత కుటుంబానికి అప్పును మాత్రం వదిలివెళ్లారు.
ఆయన తన మొదటి కారును — ఒక సాధారణ 'Fiat' కారును — కొనాలని నిర్ణయించుకున్నప్పుడు, తన అధికారాన్నో లేదా హోదానో ఏమాత్రం ఉపయోగించుకోలేదు.
ఆయన వద్ద సుమారు 7,000 రూపాయలు మాత్రమే ఉన్నాయి. కానీ అప్పట్లో ఆ కారు ధర 12,000 రూపాయలు.
కాబట్టి ఆయన పంజాబ్ నేషనల్ బ్యాంక్ నుండి 5,000 రూపాయలు రుణంగా తీసుకున్నారు.
ఇంకా ఎక్కువ బాధ కలిగించే విషయం ఏమిటంటే...
1966లో ఆయన కన్నుమూసే సమయానికి, ఆ రుణం ఇంకా తీరకపోవడం.
ఏ పారిశ్రామికవేత్తా ముందుకు వచ్చి ఆ అప్పు తీర్చలేదు.
ఏ శక్తిమంతమైన నాయకుడూ దానిని చెల్లించలేదు.
ఆ బాధ్యతను ఆయన సతీమణి నెరవేర్చారు. అదీనూ తన పింఛను ద్వారా నెమ్మదిగా ఆ అప్పును తీర్చారు.
అదే నిజమైన చిత్తశుద్ధి.
అదే నిజమైన వ్యక్తిత్వం.
నిజమైన ప్రజాసేవ అంటే ఇలాగే ఉంటుంది.
ఆయన కోట్లాది రూపాయల సంపదను వదిలివెళ్లలేదు.
ఆయన భవంతులను వదిలివెళ్లలేదు.
ఆయన విలాసాలను వదిలివెళ్లలేదు.
ఆయన వీటన్నింటికంటే ఎంతో గొప్పదైన ఒక విషయాన్ని వదిలివెళ్లారు.‌అది,
సరళమైన జీవన విధానం...కోట్లాది మంది హృదయాల్లో చెరగని ముద్ర వేసిన ఒక గొప్ప వారసత్వం.
మరణానంతరం కూడా, తన పిల్లలకు సంపదను కాకుండా... విలువలను మాత్రమే అందించిన ఒక ప్రధానమంత్రి ఆయన.
మీరు ఎప్పుడైనా దీని గురించి ఆలోచించారా?
ఆయన వంటి మహనీయులు తరచుగా జన్మించరు.
బహుశా ఒక శతాబ్దానికి ఒక్కసారి మాత్రమే వస్తుంటారు.
“సరళతే ఆయనకు ఆభరణం.
నిజాయితీయే ఆయనకు గుర్తింపు.
ఆయన భౌతికంగా దూరమైనా, మనకు ఈ విషయాన్ని గుర్తుచేశారు — ఒక వ్యక్తిని గొప్పవాడిగా చేసేది ఆయన పదవి కాదు. ఆయన ఆచరణే.”
లాల్ బహదూర్ శాస్త్రి కేవలం ఒక నాయకుడు మాత్రమే కాదు. ఆయన ఒక ప్రామాణికం.
ఈ విషయం హృదయాన్ని తాకినట్లయితే, మనం ఏం పలకాలో   తెలుసుగా - “జై జవాన్, జై కిసాన్.”