వేల రచనలు చేసిన రాజేష్ కుమార్: - - యామిజాల జగదీశ్

 దశాబ్దాలుగా తన పాకెట్ సైజ్ నవలలతో తమిళ పాఠకుల నిద్రను దోచుకుంటున్న రాజేష్ కుమార్ ని 'క్రైమ్ స్టోరీ కింగ్' అని పిలుస్తారు.
'పేజ్ టు పేజ్ థ్రిల్లింగ్ అడ్వెంచర్స్', 'వివేక్ - రూపాలా - విష్ణు' అడ్వెంచర్స్',  'బ్రెయిన్-టార్మెంటింగ్ సైన్స్ మిస్టరీస్' వంటి నవలలను రచించి, ఆయన తమిళ సాహిత్య ప్రపంచంలో తనకంటూ ఒక ప్రత్యేక స్థానాన్ని సంతరించుకున్నారు.
ఆయన రచనలలోని అదే ఉత్కంఠను, వేగాన్ని శబ్దరూపంలోకి మార్చి ప్రేక్షకుల చెవులకు 'డీప్ తమిళ ఆడియో బుక్స్' అందిస్తోంది.
రాజేష్ కుమార్ కేవలం క్రైమ్, డిటెక్టివ్ రచనలు మాత్రమే కాకుండా సైన్స్ ఫిక్షన్ కథలకుకూడా ప్రసిద్ధి చెందారు. 1968లో "కల్కండు" అనే ప్రముఖ పత్రికలో తన మొదటి లఘు కథ "సెవెంత్ టెస్ట్ ట్యూబ్"ను ప్రచురించినప్పటి నుండి, ఆయన 1,500కు పైగా పొట్టి నవలలు, 2,000కు పైగా కథలు రాశారు.
ఆయన అనేక డిటెక్టివ్ నవలలలో వివేక్, రుబెల్లా అనే పాత్రలు పదేపదే కనిపిస్తాయి. ఆయన రచనలు కుముదం, ఆనంద వికటన్ వంటి వారపత్రికలలో క్రమం తప్పకుండా వెలువడేవి. ఆయన రచనలు  తమిళనాడులోను, శ్రీలంకలోను విస్తృతంగా ప్రాచుర్యం పొందాయి.