యుద్ధం వద్దు- శాంతి కావాలి :- నామ వెంకటేశ్వర్లు,-తెలుగు ఉపాధ్యాయులు -జి. ప. ఉ. పా. అయిటిపాముల -కట్టoగూర్, నల్లగొండ

\*ఓ పరాభావమా..................! 

 దిక్కులు పిక్కటిల్లెలా మార్మోగిన 

మారణాయుధాల  వికృత చేష్టలనాపి చేయూతనిచ్చి చేరదీయుమా 

 

ఓ పరాభవమా...............!

రక్తపటేరులైన పురవీధులందు 

తుదకు శేషంగా నున్న జనుల అర్తనాధాలు, అక్రందనలకు 

ఆలంబనై నిలువుమా 

ఓ పరాభవమా...............!    

సామ్రాజ్యవాద రాబందుల 

రెక్కల మోతకు చెల్లా చెదురై 

తుదకు తట్టుకొని తపిస్తున్న   పిన్న దేశాల పిల్లా జెల్లా 

బిక్కు బిక్కుమంటూ నక్కి నక్కి 

కూర్చున్న వారికి కూడు నందించి శాంత పరుచుమా... 

 

ఓ పరభవమా.................!

ధనికస్వామ్య దాహర్తికి 

దాసోహమైన తాడిత దేశాల

దుఃఖాన్ని తొలగించి, వారిదాహర్తిని తీర్చుమా.....

ఓ పరాభవమా.........

ఆయుధ వ్యాపారామనే చదరంగంలో 

పావులుగా మారి చిద్రమైన 

ఉక్రైన్, గాజా, ఇరాన్ ఉనికికి ఊతమివ్వుమా 

 

ఓ పరాభవమా..................! 

 అహిసను  వదిలి, హింసను ప్రేరేపిస్తూ 

అశాంతికి ఆజ్యము పోసే                        

  నోబెల్ శాంతి బహుమతి కాంక్షించి 

భగపడి శాంతికి పాతరేసే కర్కోటకులను కాలరాయుమా 

ఓ పరాభవమా.......................!

పరులు పచ్చగుంటే 

భరించలేని బహుపాత్రదారులు 

ప్రపంచ దేశాలపై చూపే 

ప్రతాపాన్ని పాతరేయుమా..

ఓ పరాభవమా..................!

ప్రపంచానికి పెద్ద మనిషి 

పరికించక పడుకున్నాడేమో నిద్రలేపుమా .....

ఓ పరాభవమా...................!

కాన తక్కిన దేశాలొక్కటై 

తనివితీర సమీక్ష చేసి 

దుష్టుల దుర్మార్గాలని, కల్ల బొల్లి కబుర్లన్ని 

కాలాకూట విషమని 

సకల దేశాలకు 

విషదపరిచి చాటి చెప్పుమా 

ఓ పరాభవమా....................!

పోరునాప ప్రపంచమొక్కటై అహింస, అశాంతిని 

ఆటకెక్కించి, ప్రపంచశాంతిని

 నెలకొల్ప ఆదినుండవా... ఆదుకోవా.....

ఓ పరాభావమా....................!

లేకపోతే... భావితరాల భవిషత్తు 

ఇక బడబానలమే..., బడభాగ్నే .

అందుకే అనాడే అందరికంటే ముందుగా ప్రవచించెను తన సొంత జీవితాధారంగా                             

పోరు వద్దని విశ్వశాంతి కోరుతూ, 

అందరు బాగుండాలని,విశ్వ నరుడుగా 

విఖ్యాతి పొందిన, తధాగతుడు గౌతమ సిద్దార్థుడు

.