ఓ తల్లి ఆవేదన !: - గుర్రాల లక్ష్మారెడ్డి కవి రచయిత-సెల్.9491387977.

బబ్బి నిన్నేమన్నా అన్నామా ?

తబ్బిబ్బై నిన్నే మేం కన్నామా ?

మాకు ఓ మాట నీవు చెప్పకుండా

మా మాట అసలే ఇక వినకుండా

వెళ్ళిపోయావా ఆ దైవ సన్నిధికి

దూరమైనావా మా ప్రేమ పెన్నిధికి

మా గుండెలో మరి బాధను పెంచి

ఆ దైవానికి నీవు ఇక నీ తలవంచి

బబ్బి నీ ముద్దు ముద్దు మాటలకే మేం ఉబ్బి

సంతోష సాగర మందు మునిగి తేలినాము

సరిగమపదనిసలంటూ పాట పాడినాము

నీతో నిత్యం మేము కూడి ఆడినాము !

బబ్బి నీ నవ్వులే పువ్వులై పూచిన వేళ

కడుపుబ్బి ఉదరం చెక్కలై పోయెను చాలా

అందుకే ఆ దేవుడు కొనిపోయెను నిన్ను

ముందుగానే తానేశెను మాపై సీత కన్ను !

అల్లారు ముద్దుగా పెంచుకుంటిమి

ఎల్లరు మెచ్చేలా  చూసుకుంటిమి

మా సర్వస్వం ఇక నీవే అనుకొని

నీవు లేక ఇల మేమిక బ్రతకమని

ఆ దైవానికి విన్నవించుకుంటిమి

ఇల ఇక మేము ఒంటరై ఉంటిమి!

రేయి రేయి మా కలలోకి వస్తున్నావు

దాయి దాయి మా అని అలరిస్తున్నావు

ఆ రేయికి మాత్రమే మాకు ఆ సంతోషం

తెల్లారితే మిగులుతుంది మాకు సంతాపం!

నిన్ను మరవలేక పోతున్నాం మేము

మిన్ను విరిగి మీద పడిన చేస్తాం సాము

నీకోసం ఆ దేవుడినైనా మేం ఎదిరిస్తాం

సచ్చి చెడైనా నీ సముఖమునకు మేం వస్తాం !