ఆటవెలది పద్యసుమాలు: - అంకాల సోమయ్య-దేవరుప్పుల -జనగామ -9640748497

కథలు చెప్పువాడు  కార్యశూరులుగారు

కర్మచేసిచూపుకార్యశీలి

కథలవల్లబతుకుకళచెడిపోవును

కర్మయోగి తనమె కర్తగుణము

రంతిదేవుడంటిరాజులులేరులే

డబ్బుకమ్మునీరుడబ్బుమనిషి

మానవత్వమంతమనుషుల్లోమృగ్యము

వినుము సోదరుండ వీరభద్ర

వర్తకమ్మునడుపవారునుచేయుచు

మందుగుండు నమ్మి మనిషి చంపు

విలువలన్నినేడువిత్తమ్ముపాలాయె

వినుము సోదరుండ వీరభద్ర

కల్తిపాలునేడుకాలకూటవిషము

నాటుబర్రెపాలునయమునయము

పశువులేడలేవుపాలెలాసాధ్యమో!

వినుము సోదరుండ వీరభద్ర

రాజకీయ మంత రంకాయెబొంకాయె

మనిషితనమెచచ్చిమదముహెచ్చె

దయనువీడినోడెదాయాదియేలిక

వినుము సోదరుండ వీరభద్ర