స్వచ్ఛ కార్మికులు (సపాయి కార్మికులు): - అంకాల సోమయ్య -దేవరుప్పుల -జనగామ-9640748497

అతడు

భూతలమంతా

చీపురునాడిస్తూ

సకల మానవాళికి 

ఆరోగ్యభాగ్యాన్ని

అందించు సపాయి కార్మికుడు

కంపు ఆవాసలనైనా

అద్ధమోలే పరిశుభ్రపరచి 

మానవ జీవన ప్రతిబింబానావిష్కరిస్తున్న

అసామాన్య కార్మికుడు

ఒంట్లో జొచ్చిన రోగంతో

నిత్యసహవాసం చేస్తూ

చావుకే ఎదురీదుతున్న

మృత్యుంజయుడు

ఈల ఊది పలకరిస్తూ ఇంటింటి మైలనంత...

అసహ్యమైనా.. సహనంతో

తన బండికెత్తుకొనితీసుకెళ్లే

మన ఆత్మబంధువు 

చాలీచాలని జీతంతో 

తాను బ్రతుకుడే దుర్భరమైనా

కరోనా కల్లోల్లాన్ని 

చీపురు తిరగేసి ఒంటిచేత్తో ఊడ్చేసిన 

స్వచ్ఛ కార్మికుడు