పిల్లల్లారా! : - -తోకల రాజేశం- 9676761415

 పిల్లల్లారా!పిల్లల్లారా!!
మల్లెచెట్టు పూరెమ్మల్లారా!
తెలియని వెన్నో ఉన్నాయి
ప్రశ్నలొ అవి దాగున్నాయి

మబ్బుల కడుపున నిదురించే
నీటి జాడనే అడగండి
చెట్టు కొమ్మలో పుష్పించే
కాయ నీడనే తెలియండి

కొండల గుండెలొ ఏముందో
స్టెతస్కోపుతో వినరండి
బండరాయిలో దాగున్న
శిల్పములేవో చూడండి

విత్తు లోపల ఒదిగిపోయిన
చెట్టు పుట్టుకను వెతకండి
మట్టి లోపలి మర్మమేమిటో
గట్టి ప్రయత్నము చేయండి 

పాఠశాలలో గురువులను
తెలియనివన్నీ అడగండి
ప్రశ్న లోపలే జ్ఞానమున్నది
జీవితమంతా నమ్మండి