అక్షర కవికి మరణం లేదు: - డా.టి.రాధాకృష్ణమాచార్యులు -9849305871

ఊరు చెంజర్ల  

బడుగు సైరికుని ఇంట మెరిసిన 

శబ్దార్థ చంద్రిక  

పుట్టిన వరి మళ్ళ దున్నిన  నాగలి

విద్యా విన్యాస బౌద్ధిక వాది

పురాణేతిహాసాల ఆధునిక కవిత్వ ద్వారాల నడిచి నేర్చి 

పాఠాలు నేర్పిన అక్షర గురువు

కరీంనగర్ కావ్య శోభల నడిచె కవిత్వజీవి

నలుభయేండ్లు ఉద్యోగ చెలిమి చేయిపట్టి నడిచిన స్నేహ జీవి

వాదాలు ఏవయిన ఎన్నియున్నా

మానవత్వవాదమే జీవమనె బుద్దిజీవి 

శిష్యలు మిత్రులే ఆస్తిపాస్తి గురువుకు

పీల్చిన గాలిలో కలిసి తేలిపోయె

వాదాలు వేదనలు వీడి నాస్తిక జీవి

వాస్తవికతయే ప్రామాణికమైన విజ్ఞాన జీవి

గలగల మానేరు కవి గోష్టి నిరంతర ప్రవాహమే 

స్వేచ్ఛగా అలలతీరాన

తేలియాడు మలయశ్రీ ఓ హేతువాది 

**&&&&&*&&&&*

(సాహితీ మిత్ర మలయశ్రీ గారికి నివాళిగా)