కుల వివక్ష ఒక శిలువ శిక్ష..?: - కవి రత్న-సాహిత్య ధీర-సహస్ర కవి భూషణ్-పోలయ్య కూకట్లపల్లి-అత్తాపూర్ హైదరాబాద్

కులం ఒక రక్కసి...

కులం ఒక‌ జాడ్యం...

కులం ఒక కుడ్యం...

కులం ఒక మౌఢ్యం...!

కులం ఒక కుళ్ళు...

కులం ఒక ముల్లు...

కులం మత్తు మందు...

కులం కొందరికి విందు...!

కులం ఒక విషం...

కులం ఒక విషవృక్షం...

కులం ఒక రావణకాష్టం...

కులం కొందరికి కులదైవం...!

కులం ఒక గజ్జి కుక్క...

కులం ఒక అంటువ్యాధి...

కులం ఒక మండే కుంపటి...

కులం ఆరక రగిలే ఒక అగ్నిగుండం..!

కులం ఒక కాలసర్పం...

కులం ఒక కరోనా వైరస్...

కులం ఒక పిడుగుల వర్షం...

కులం ఒక నాలుగు పడగల నాగరాజు.!

కులం చాపకింద నీరే...

వద్దు వద్దు కులం వద్దు...

కుల నిర్మూలనే ముద్దు...

వద్దు కులం పేర కుమ్ములాటలు...!

కులం ఒక శిలువ శిక్ష...

వద్దు వద్దు కులవివక్ష...

కులం ఒక జాతికి శాపం

కులంతో ఒక జాతి సర్వనాశనం..!

వద్దు వద్దు అస్పృశ్యత...

వద్దు వద్దు అంటరానితనం...

వద్దు వద్దు కులదురాచారం...

వద్దు వద్దు కుల దురహంకారం...!

కులాన్ని

ముళ్ళకిరీటంలా

ధరించినవాడు...!

ఆకాశంలో

నక్షత్రాలన్ని

అవమానాలను

భరించినవాడు...!

నేడు భారతావనిలో

"కులం ఒక కుళ్ళని...

దాన్ని కడగడానికి

చాలవు "కడలిలోని నీళ్ళని...!

పలికిన డాక్టర్ బిఆర్ అంబేద్కర్

భావిభారత నవసమాజ నిర్మాతలైన

యువశక్తి కిచ్చే సందేశం ఒక్కటే...!

తక్షణమే కులాన్ని రద్దు చేయాలని..

ఆరని కుల కుంపటిని ఆర్పాలని...

కుల నిర్మూలన చట్టం తేవాలని...

కులాంతర వివాహాలు పెరగాలని...!

ప్రేమ...శాంతి...సహనం...

స్వేచ్ఛా....స్వాతంత్ర్యం....

సమానత్వం...సౌభ్రాతృత్వం...

పునాది రాళ్ళుగా...కులరహిత

నవసమాజ నిర్మాణం జరగాలని...!