శ్రీ మూషికముఖి: - - యామిజాల జగదీశ్

 పేదరికాన్ని పారద్రోలే ఎలుక ముఖం గల దేవత! - "శ్రీ మూషికముఖి" అరుదైన దర్శనం!
ఈ భూమ్మీద ఆధ్యాత్మిక అద్భుతాలు కొనసాగుతూనే ఉన్నాయి! ఎలుక ముఖం, స్త్రీ శరీరం కలిగిన "మూషికముఖి" యోగిని గురించి ఓ నాలుగు మాటలు. 
ఈ మూషికముఖి ఎవరు?
64 మంది యోగినులలో ఒకరైన ఈమె, తెలివితేటలకు ప్రతీక. ఈమె గణేశుని స్త్రీ శక్తి. మన ఆర్థిక అడ్డంకులను నాశనం చేసి, సంపదను పెంచే గొప్ప శక్తి.
ఎలుక ముఖం గల ఈ దేవత గణేశుని వాహనం. ఇది ఎలాంటి ఆటంకం లేకుండా అత్యంత సున్నితమైన ప్రదేశాలలోకి ప్రవేశించి, నివసించగల సామర్థ్యాన్ని కలిగి ఉంది. మన పేదరికాన్ని పారద్రోలి, సంపదను (ఆర్థిక) నైపుణ్యంగా నిర్వహించే సామర్థ్యాన్ని, దానిని అన్వేషించి, కూడబెట్టే తెలివితేటలను ప్రసాదించేది ఈ మూషికముఖి దేవి.
ఆమెను ఎలుక/ఒక పెద్ద డేగ ముఖంతో, చేతిలో నాగలి, రోకలిని పట్టుకుని ఉన్నట్లుగా చిత్రిస్తారు. ఆమె మన మనస్సుల నుండి అనవసరమైన చింతలను తొలగించి, కుటుంబానికి ఆనందాన్ని, శాంతిని చేకూర్చే ఒక గొప్ప శక్తి.
సిద్ధులు ఆమెను "సంపదకు అధిదేవత" అని కీర్తిస్తారు. 
ఎలుక ధాన్యాన్ని ఎలా నిల్వ చేస్తుందో, అలాగే ఆమె మన ఆర్థిక స్థితిని వృద్ధి చేసే రహస్యాలను మనకు బోధిస్తుంది.
ఆమె ఎలుక సూక్ష్మ జ్ఞానం. తల్లి  దయల కలయిక. కుటుంబంలోని ఆర్థిక ఇబ్బందులు, పేదరికం, ఆర్థిక సంక్షోభాలను పూర్తిగా నాశనం చేసే గొప్ప శక్తి ఆమెకు ఉంది.
ఆర్థిక పురోగతిని సాధించడానికి, విద్యలో లోతైన జ్ఞానాన్ని పొందడానికి, ఏ పనిలోనైనా నిరాటంకమైన విజయాన్ని సాధించడానికి ఆమెను పూజించవచ్చు. అన్నింటికన్నా ముఖ్యంగా, ఆమెను స్తుతించేవారికి వైఫల్యం ఉండదు.
ఈ రహస్యమయ దేవత ఒరిస్సా, మధ్యప్రదేశ్‌లోని "హిరాపూర్"లో ఉన్న 64 యోగిని ఆలయాలలో కొలువై ఉంది.
కుయుక్తి గొప్ప శక్తిని మేళవించిన ఈ మూషికముఖి రూపం ఒక గొప్ప అద్భుతం!