మేం ఏకాకులం !: - గుర్రాల లక్ష్మారెడ్డి , సెల్.9491387977. కల్వకుర్తి

దారి తప్పిన పిల్లలం

నోరు విప్పిన మల్లెలం

మేం విద్యలేని వారలం

సయోధ్య ఉన్న పోరలం !

ఆస్తిపాస్తులు లేకున్నా

మస్తుగా సుస్థి చేస్తున్నా

చదవాలని మాకూ ఉంది

ఎదగాలని సోకూ ఉంది !

మాకున్నదిలే  ఒకే ఒక గుడిస

మాకన్నవారు పోయారు వలస

మేం ఏకాకులమయ్యాం ఇప్పుడు

మా చీకాకుల చితి ఆరేదెన్నడు ?

ఆకలి దప్పులు ఇక పోటేస్తుంటే

ఈ కలికాలం మము కాటేస్తుంటే

మేం మా బడిబాటను పట్టేదెట్లా

మా బడిగంటను ఇక కొట్టేదెట్లా ?

కాలం కూడా మాపై పగబట్టింది

వేలం వేసి మాలో  పొగబెట్టింది

దిక్కుదివానం లేక తిరుగుతున్నం

అలసి సొలసి మేం కరుగుతున్నం