మా బుజ్జి కన్నయ్య !: - గుర్రాల లక్ష్మారెడ్డి -సెల్.9491387977. కల్వకుర్తి నాగర్

ఓ బుజ్జి బుజ్జి కన్నయ్య

మా బుల్లి బుల్లి చిన్నయ్య

మారము నీవు చేయకయ్య

మా రాజువు నీవే లేవయ్యా !

మీ అమ్మ జాడ లేకున్నా

మీ నాన్న కూడా రాకున్నా

నీకు తోడు నీడ నేనున్నా

నీవు ఏడవకురా నా కన్నా !

మీ అమ్మలా నేను లాలిస్తా

కన్న నాన్నలా నే బులిపిస్తా

చిందువేసి నా ముందుకొస్తే

చందమామను నే చూపిస్తా !

నిన్ను తాతల వచ్చి ఆడిస్తా

నే తాయిలం తెచ్చి తినిపిస్తా

నీ వెతలన్నీ ఇక నే మరిపిస్తా

నే కథలెన్నో నీకిక  వినిపిస్తా !

అమ్మలా గోరుముద్దలు తినిపిస్తా

నాన్నలా  ముద్దు కథలు వినిపిస్తా

నీ ఏడుపు గోలను నేనిక  విన్నా

నీ ఏడుపును మాని రారా కన్నా !