నాలో నేను నాతో నేను : - అంకాల సోమయ్య -దేవరుప్పుల-జనగామ -9640748497

నేను కలం కాగితం తీసుకొని 

ఏదో వ్రాయాలని

సంసిద్ధుడనయ్యాను

కానీ

ఏఒక్కఊహతట్టదే

ఏదో వ్రాయాలి 

ఎంతో వ్రాయాలి 

దేశపౌరుల్లో ఉన్న అసంతృప్తినంతా

రాజకీయపు మాయికత్వానంతా

పుంఖానుపుంఖాలుగా 

వ్రాయాలనుకున్నా 

ఎక్కడినుండి మొదలు పెట్టాలో పాలుపోకుంది

అధర్మం ధర్మం పై 

పైచేయిసాధించిన వైనాన్ని 

దొంగ దొరగా చెలామణి అవుతున్న విధానాన్ని 

తేటతెల్లం చేయాలని 

కలం కాగితం పట్టాను 

ఎంతకూ ముందుకు జగగదే

ఊహలు ఊపిరిపోసుకోవే

అభ్యుదయం 

సమసమాజం 

ఐకమత్యం 

లౌకికత్వం 

ఏక్తా గీతం 

భిన్నత్వంలో ఏకత్వం 

ఇలా పదాల ఎంపిక చేస్తుకున్నానో లేదో

ఎక్కడ ఏ పదం ఎలా

ఏ రీతిన ఉపయోగించాలో అనే లౌక్యం ప్రదర్శించాలని

ఒక పదం ముందు మరో పదం తర్వాత కొంత సమయం తీసుకుంటున్నానే...!?

మునుపటి పాత రాద్ధాంతాలు

వాడి వాడి చేవ చచ్చిన పదాలు

నేను నా కవితలో బహిష్కరిస్తున్నా

పదంపదంలో 

విప్లవం

నిప్పుకణం 

ఉవ్వెత్తున ఎగసిపడేలా

కలంతో నిప్పులు కురిపిస్తా

పీడిత తాడిత 

కార్మిక కర్షక 

పేద మధ్యతరగతి 

జనబాహుళ్యపు గొంతుకై

పల్లవిస్తా 

కలంతో మునుపెవ్వరూ 

వ్రాయని

జనాభ్యుదయపు ఉపాధి ,ఉద్యోగ కల్పన 

ఎజెండాను సిద్ధం చేస్తున్నా

నా కలాన్ని కత్తిలా వాడుతున్నా

పదునైన చురుకైన 

ఆలోచనలు

ప్రతీ పౌరుడి లో పాదుకొల్పుతా