సుప్రభాత కవిత : బృంద

అలవోకగా ఆకాశంలో 

జరిగేనొక అద్భుతం 

అవనికి అనుదినము 

అణువణువున చైతన్యం

పోలిక లేని వెలుగులతో 

పుడమిని నింపి 

పోషణ భారం తీసుకునే 

ప్రభువు అతడే!

నేల లోపల దాగిన 

విత్తుకు జీవం పోసి 

నేలపైని జీవుల ఆకలి 

తీర్చే తండ్రి అతడే!

మూలను విరిసే 

గరికపువ్వుల 

నవ్వులు చూసి 

మురిసే నేస్తం అతడే!

కిరణపు కత్తులతో 

తిమిరంతో పోరాడి 

ధరణికి వెలుతురు 

వెల్లలేసే సోదరుడతడే!

వేచిన ఎదలకు 

వెన్నెల పంచగా....

వేడుక  వరమై ఇచ్చి 

వేకువ తెచ్చే వేలుపుకు 

🌸🌸సుప్రభాతం 🌸🌸