కొబ్బరి:- - యామిజాల జగదీశ్

 నేటి తరుణంలో మనకు అనేక చోట్ల వినిపిస్తున్న మాట, కొబ్బరినూనె. దీంతో అధిక బరువు తగ్గవచ్చని, మధుమేహం తగ్గుతుందని, థైరాయిడ్ సమస్య పోతుందని చెబుతున్నారు. అయితే ఇది నిజమే. కొబ్బరినూనెను రోజూ కొంత మోతాదులో తాగడం వల్ల ఈ ప్రయోజనాలన్నీ పొందవచ్చు. కొబ్బరి నూనెపై దాదాపుగా 1500కు పైగా చేసిన అధ్యయనాలు కూడా ఇదే విషయాన్ని చెబుతున్నాయి. కొబ్బరినూనెను నిత్యం ఆహారంలో భాగం చేసుకుంటే దాంతో బోలెడు ప్రయోజనాలు ఉంటాయి. 
కొబ్బరి ఒక ముఖ్యమైన  పాము కుటుంబానికి చెందిన వృక్షం. దీని శాస్త్రీయ నామం కోకాస్ న్యూసిఫెరా.' కోకాస్  ప్రజాతిలో ఇది ఒక్కటే జాతి ఉంది. ఇవి ప్రపంచవ్యాప్తంగా విస్తరించి ఉన్నాయి. కొబ్బరి చెట్టు 30 మీటర్ల ఎత్తు పెరుగుతుంది. కొబ్బరి కాయ రూపంలో కొబ్బరి చెట్ల నుండి లభిస్తుంది. హిందువులకు ఒక ముఖ్యమైన పూజా ద్రవ్యం. దీనినే టెంకాయ అని కూడా అంటారు. దీనిని రకరకాల ఆహార పదార్థాలలో రకరకాల రూపాలలో వినియోగిస్తారు. కొబ్బరి చెట్ల నుండి వివిధ రకాల పదార్ధాలు అనేకమైన పద్ధతులలో ఉపయోగపడుతున్నాయి. 
కొబ్బరికాయలో నీరు, కండ ఉంటాయి. నీరు, కండ, గట్టితనంగల నారతో కప్పబడి ఉంటుంది. కొబ్బరి బోండాలోని నీళ్ళు చాలా పౌష్టిక గుణాలను కలిగి ఉంటాయి. దీనికి ఔషధగుణాలు కూడా ఉన్నాయి. 


కోట్లాదిమంది జనం కొబ్బరిపంటనే జీవనాదారం చేసుకుని వుంటున్నారు . కొబ్బరికాయలో నలబైతొమ్మిది శాతం లారిక్ యాసిడ్ వుంటుంది . ఇది తల్లి పాలకు దాదాపు సరిసమానమట. కొబ్బరినూనెలో వుండే పాటియాసిడ్స్, వైరల్, ఫంగల్, బ్యాక్టీరియల్ వంటి మానవజాతి ఎదుర్కునే రుగ్మతలను తగ్గించడంలో సహాయపడతాయి. ఏ ఋతువులోనైనా తాగదగినదే కొబ్బరి నీరు.


40నుంచి 60 కిలోల లోపు బరువు ఉన్నవారు నిత్యం 3టేబుల్ స్పూన్ల కొబ్బరినూనెను డైరెక్ట్‌గా అలాగే తాగవచ్చు. కానీ ఒకేసారి తాగ కూడదు.
 ఉదయం, మధ్యాహ్నం, రాత్రి భోజనానికి ముందు ఒక్కో టేబుల్ స్పూన్ మోతాదులో ఈ నూనెను తాగాలి. 61 నుంచి 80 కిలోల మధ్య బరువు ఉన్న వారు నిత్యం 4, 5  టేబుల్ స్పూన్ల కొబ్బరినూనెను తీసుకోవచ్చు. అయితే ఒక్కోపూట ఒకటి న్నర టేబుల్ స్పూన్ కొబ్బరినూనె ను భోజానికి ముందు తీసుకో వాలి. 81 కిలోలు ఆపైన బరువు ఉన్న వారు నిత్యం 6 టేబుల్ స్పూన్ల వరకు కొబ్బరినూనె తాగవచ్చు. ఒక్కో పూట 2 టేబుల్ స్పూన్ల కొబ్బరినూనెను భోజనానికి ముందు తాగాలి. ఇక కొబ్బరినూనె ఏది పడితే అది తాగకూడదు. కేవలం ఎక్స్‌ ట్రా వర్జిన్ లేదా వర్జిన్ కోకోనట్ ఆయిల్ అని దొరికే కొబ్బరినూనెను మాత్రమే వాడాలి. ఇవే స్వచ్ఛమైన కొబ్బరినూనె కిందకు వస్తాయి. కొబ్బరినూనెను పైన తెలిపిన విధంగా డైరెక్టుగా తాగలేకపోతే సలాడ్స్, చక్కెర లేని పండ్ల రసాలు, హెర్బల్ టీలు తదితర ఆహారాల్లో కలుపుకుని కూడా తాగవచ్చు. కొబ్బరినూనెను తాగడం మొదలు పెట్టిన ఆరంభంలో వాంతికి వచ్చినట్టు ఉండడం, విరేచనాలు కావడం జరుగుతుంది. ఇవి సహజమే. అయితే తీవ్రత మరీ ఎక్కువగా ఉంటే కొబ్బరినూనెను వాడకూడ దు. పైన చెప్పిన డోస్ కన్నా ఇంకా తక్కువ మొత్తంతో తాగి ఆయా అనారోగ్య సమస్యలు కనిపించక పోతే నెమ్మదిగా డోస్‌ను పెంచ వచ్చు. ఈ విధంగా కొబ్బరినూనెను తీసుకుంటే ఎలాంటి అద్భుతమైన ఫలితాలు కలుగుతాయోకూడా తెలుసుకుందాం. కొబ్బరినూనెను రోజూ తాగడం వల్ల అందులో ఉండే మీడియం చెయిన్ శాచురేటెడ్ ఫ్యాటీ యాసిడ్లు శరీర మెటబాలిజంను పెంచుతాయి. దీంతో థైరాయిడ్ సమస్య పోతుంది. అధిక బరువు తగ్గుతారు. శరీరంలో కరగకుండా ఉన్న ఎంత మొండి కొవ్వు అయినా సరే ఇట్టే కరిగిపో తుంది. రక్తంలోని గ్లూకోజ్ స్థాయి లు తగ్గుతాయి. మధుమేహం అదుపులో ఉంటుంది. చర్మం కాంతివంతంగా, మృదువుగా మారుతుంది. చర్మంపై ఏర్పడే మచ్చలు, మొటిమలు తగ్గుతాయి. గోళ్ళు, వెంట్రుకలు ఆరోగ్యంగా పెరుగుతాయి. శిరోజాలు దృఢంగా, ప్రకాశవంతంగా మారుతాయి. రక్త సరఫరా మెరుగుపడుతుంది. గుండె సమస్యలు రాకుండా ఉంటాయి. కొబ్బరినూనెలో సహజసిద్ధమైన యాంటీ ఫంగల్, యాంటీ వైరల్, యాంటీ మైక్రోబియల్ గుణాలు ఉంటాయి. ఇవి శరీర రోగ నిరోధక వ్యవస్థను పటిష్టం చేస్తాయి. ఇన్‌ఫెక్షన్ల నుంచి కాపాడుతాయి. రోజంతా ఎనర్జిటిక్‌గా ఉండవచ్చు. శరీరంలో శక్తి స్థాయిలు పెరుగుతాయి. ఎంత పనిచేసినా త్వరగా అలసిపోరు. రోజు మొత్తం యాక్టివ్‌గా ఉంటారు. జీర్ణ క్రియ మెరుగుపడు తుంది. జీర్ణాశయం, పేగులు శుభ్రమవుతాయి.అసిడిటీ, గ్యాస్, అజీర్ణం, మలబద్దకం బాధించవు.
కొబ్బరికాయల గురించి మరిన్ని వాస్తవాలు....
నిర్మాణంలో కొబ్బరికాయలను ఉపయోగించవచ్చు. అవును, ఇది నిజమే. ఫిలిప్పీన్స్ మాజీ అధ్యక్షుడు ఫెర్డినాండ్ మార్కోస్, 1981లో పోప్ పర్యటనకు సన్నా హకంగా ఒక కొబ్బరి రాజభవనాన్ని నిర్మించమని ఆదేశించారు. ఆ రాజ భవనంలో డెబ్బై శాతం కొబ్బరి కలపతో నిర్మితమైంది. . వాస్తు శిల్పం, రూపకల్పనలో కూడా కొబ్బరి చెట్లను పొందుపరిచారు. 
ప్రపంచవ్యాప్తంగా ఉన్న కళా కారులు కొబ్బరికాయను ఒక కాన్వాస్‌గా మార్చారు. ఎండిన కొబ్బరి కాయను చెక్కి మనసు ఊహించగలిగే దేన్నైనా సృష్టించవచ్చు. ఈ కొబ్బరి కళా ఖండాలలో జంతువుల ముఖాలు, మనుషులు, ప్రకృతి దృశ్యాలను కూడా చూడటం సర్వసాధారణం.  
సాంప్రదాయ శిలాజ ఇంధనాలకు ప్రత్యామ్నాయంగా జీవ ఇంధనం అనే పదాన్ని ఉపయోగించారు. ప్రత్యామ్నాయ ఇంధన అవసరాలను తీర్చడానికి  ఉపయోగపడే పరిమాణంలో తగినంత నూనెను ఉత్పత్తి చేయ గల కొన్ని మొక్కలలో కొబ్బరి చెట్లు ఒకటి. దీని అర్థం కొబ్బరి నూనెను పెట్రోలియం డీజిల్‌కు ప్రత్యక్ష ప్రత్యామ్నాయంగా లేదా సంకలి తంగా బయోడీజిల్‌కు ఆధారంగా ఉపయోగించవచ్చు.
“కొబ్బరి” ​​అనే పేరు 15వ శతాబ్దంలో పోర్చుగీస్ అన్వేషకుల నుండి వచ్చింది. వారు హిందూ మహా సముద్ర ద్వీపాలలో కొబ్బరి కాయలు పెరగడాన్ని కనుగొన్నారు. అది నవ్వుతున్న ముఖంలా ఉందని భావించారు లేదా వారు దానిని “కోకో” అని పిలిచారు.
మాంటీ పైథాన్ అండ్ ది హోలీ గ్రెయిల్ అనే సినిమాలో, వెల్ష్ నటుడు, దర్శకుడు అయిన టెర్రీ జోన్స్, పేవ్‌మెంట్‌పై గుర్రాలు పరుగెత్తే శబ్దాన్ని పట్టుకోవడానికి వారు రెండు ఎండిన కొబ్బరి చిప్పలను ఒక లయలో కొట్టారని చెప్పారు. 
మైక్రోనేషియన్ ద్వీపసమూహమైన కిరిబాటికి చెందిన యోధులు కొబ్బరికాయలతో యుద్ధ కవచాన్ని తయారు చేసుకున్నారు. వారు అల్లిన కొబ్బరి పీచులతో ఈ కవచాన్ని తయారు చేసుకున్నారు, ఇందులో ప్యాంటు, జాకెట్లు, ఎత్తైన కాలర్లు, తల కవచాలు కూడా ఉన్నాయి.
కొబ్బరికాయలను కొన్నిసార్లు “జీవ వృక్షం” అని పిలుస్తారు, ఎందు కంటే దానిలోని ప్రతి భాగాన్ని ఉపయోగించుకోవచ్చు. మనం పైన చదివినట్లుగా, బయటి భాగాన్ని కవచాలు, వాయిద్యాలు, వస్త్రాలు, కళాకృతులను తయారు చేయడానికి ఉపయోగించవచ్చు. లోపలి భాగాన్ని పానీయం, ఆహారం, ఇంధనం, పీచుపదార్థం కోసం ఉపయోగించవచ్చు. 
కొబ్బరికాయలు దక్షిణాన మడ గాస్కర్ నుండి ఉత్తరాన హవాయి వరకు కనిపిస్తాయి. కొబ్బరి చెట్టును థాయ్‌లాండ్‌తో సహా సుమారు 80 దేశాలలో పెంచుతారు. 
కొందరు సాంప్రదాయ దోమల నివారణకు ప్రత్యామ్నాయంగా సుగంధ నూనెలతో కలిపిన కొబ్బరి నూనెను ఉపయోగించారు. ఇది అంతే ప్రభావవంతంగా ఉంటుం దని, మంచి వాసన వస్తుందని అంటారు. కొబ్బరి పీచును కాల్చడం వల్ల కూడా దోమలను తరిమికొట్టవచ్చును. 
కొబ్బరికాయ పక్వానికి రావడానికి సాధారణంగా 11-12 నెలల సమయం పడుతుంది.  కొబ్బరి కాయలు సంక్లిష్టమైనవి. ఆసక్తికర మైనవి. వాటిని వివిధ రకాల కార్యకలాపాలు, వనరుల కోసం ఉపయోగించవచ్చు.
కొబ్బరి చిప్పలను సంగీత వాయిద్యాలను తయారు చేయడా నికి ఉపయోగిస్తారు. ఉదాహర ణకు, ఫిలిప్పీన్స్‌లో, 'బుక్టోట్' అనే సాంప్రదాయ వాయిద్యాన్ని కొబ్బరి చిప్పతో తయారు చేస్తారు. దీనిని ఒక చిన్న గిటార్ లాగా వాయి స్తారు. ప్రపంచంలోని ఇతర ప్రాంతాలలో కూడా కొబ్బరి కాయలకు గొప్ప సాంస్కృతిక సంప్రదాయం ఉంది. వాటిని వివిధ రకాల తాళ వాయిద్యాలను తయారు చేయడానికి ఉపయోగి స్తారు. 
కొబ్బరి చెట్లు 60 సంవత్సరాలకు పైగా జీవించగలవు, కొన్ని రకాలు 80 సంవత్సరాల వరకు కొబ్బరి కాయలను ఇస్తాయి. ఈ సుదీర్ఘ జీవితకాలం, వాటిపై ఆధారపడిన సమాజాలకు వాటిని ఒక స్థిరమైన, దీర్ఘకాలిక వనరుగా చేస్తుంది. సుమారు 6-7 సంవత్సరాల ప్రారంభ కాలం తర్వాత, చెట్లు కొబ్బరి కాయలను ఇవ్వడం ప్రారంభిస్తాయి. ఇంకా దశాబ్దాల పాటు జీవిస్తాయి! విషాదకరంగా, ఫిలిప్పీన్స్ వంటి అనేక ఉష్ణమండల ప్రాంతాలలో, సమాజాలను నాశనం చేయగల తుఫానుల వల్ల కొబ్బరి చెట్లు ప్రమాదంలో పడుతుంటాయి. 
ఇలావుండగా, Coconut Day కొబ్బరి దినోత్సవాన్ని ప్రతి సంవత్సరం సెప్టెంబర్ 2న జరుపు కుంటారు. కొబ్బరి వల్ల కలిగే ఆరోగ్య ప్రయోజనాలు, దాని ఉపయోగాలు, వాణిజ్య ప్రాముఖ్య తపై అవగాహన కల్పించడానికి ఈ రోజును నిర్వహిస్తారు. ఇది ఉష్ణమండల ప్రాంతాల్లో ప్రధాన పంట. జీవన వృక్షంగా పరిగణిస్తారు. 
ప్రపంచ కొబ్బరి దినోత్సవం ప్రత్యేకతలు....కొబ్బరి సాగును ప్రోత్సహించడం. కొబ్బరి ఆధారిత ఉత్పత్తుల వాడకాన్ని పెంచడం.‌
చరిత్ర: 2009 నుండి, ఆసియా పసిఫిక్ కొబ్బరి సంఘం (APCC) ఆధ్వర్యంలో ఈ దినోత్సవాన్ని జరుపుకోవడం ప్రారంభించారు. ఆరోగ్య ప్రయోజనాలు: కొబ్బరి నీరు, నూనె, కొబ్బరి ముక్కలు పోషకాలతో కూడిన ఆహారాన్ని, పానీయాన్ని అందిస్తాయి.
కొబ్బరి చెట్టు పర్యావరణానికి, మానవాళికి ఎంతో మేలు చేస్తుంది.