సుప్రభాత :కవిత :- బృంద

నింగి అంచుల వరకైనా 

నిన్ను చేర్చగలేనా 

నీకు కలిగిన లోటు 

నేను పూడ్చగలేనా....

కోటి కాంతులు పరచి 

నేటి వెలుగై రానా 

కోరిన నీ గమ్యానికి 

నేను చేర్చగలేనా?

హృదయ వీణ మీటే 

ఉదయరాగం కానా...

గెలుపు తలుపు తీసే 

మలుపు నేనవలేనా?

గాలి తరగల పైన 

తేలి వచ్చి నేనూ....

తీపి కబురేదో... తెచ్చి 

మురిపించగలేనా?

నీ గుండె సవ్వడికి 

ఆనందపు సందడి తేనా..

నీ కంట మెరుపు నింపే 

నీ తోడై వెంట రానా..

ఒంటరి నడకకు జంటగా 

కలిసి నడిచే నేస్తం నేనై 

వెనువెంటే నీడగ రానా 

అంటున్న తొలి వెలుగుకు 

🌸🌸సుప్రభాతం 🌸🌸