ఆంతర్యం....!!: - అల్లాడి రేఖా- మంగళగిరి.

ప్రాణం అంకురించిన క్షణం,
ఒక్కో బంధం మురిపంగా
హత్తు కుంటుంది....!
సంవత్సరాలుపెరిగిన కొద్దీ,
చెలిమి సంగతులన్నీ గాఢమై
పలుకుతాయి...!
కొన్ని దృఢ అనుబంధాల _
సంధానాలు,
జీవితాన్ని సరదాగా,
మారుస్తాయి!
కొన్ని ఆత్మీయ మాటల స్పర్శలు,
సంతోషాన్ని
చుట్టూ చేరుస్తాయి!
బంధాలన్నీ అల్లుకున్న _
జీవిత సందర్భాన,
అనుబంధాల్ని తప్పించే
దేవుని అంతర్యం,
ఎన్ని మనసులకు _
అవగత మవుతుంది ?
ఎన్ని హృదయాలను
కలవర పరుస్తుంది..!!
***