అడుగులో అడుగే: - డా.టి.రాధాకృష్ణమాచార్యులు-9849305871

అమ్మను నేను

పిల్లలు నన్నూ అనుకరించి 

అనుసరించి సాగడమే

బతుకు మూలం

అడుగులో అడుగే అనుకరణ భావచిత్రం

అప్పుడప్పుడు తెగిన గాలిపటాల ఆట సరే సరి...

బడికి పోతే పంతులు 

ఊపే కర్రలో క్రమశిక్షణ 

అనుకరణమెట్లే కొనసాగే యాత్ర

ఉచ్ఛారణ దోషంలేని వల్లెవేతలో 

అక్షరశుద్ది బుద్ధిగా 

నాలో పలికించిన నాన్న కటువు మాటే చదువు కొనసాగింపు 

ఇక అమ్మ

నింగి ఆకాశం నిప్పూ నీరు గాలి

అన్నీ కలెగలిసిన మిశ్రమం

పోపు డబ్బాలో వాసన చుట్టేసే పహచాన్ 

ఎన్ని దశాబ్దాలుగా అలుపెరుగని నది నడకలా అనుసరించి సాగుతుందోగానీ 

తరాలెన్ని మారినా అంతంలేని అనుకరణే రహదారి ఆలాపన ...

మంచీ చెడు వినిపించేదే గమన గాధ