55వ సర్గ : - ఎడ్ల లక్ష్మి -సిద్దిపేట

సీతారామలక్ష్మణులు యమునానదిని దాటుట

-------------------------

శత్రుసంహారకులైన రామలక్ష్మణులు 

భరద్వాజాశ్రయమున ఆ రాత్రి గడిపి 

మరునాడు ఆ మహర్షికి నమస్కరించి 

ఆయన అనుమతితో బయలుదేరినారు

ఆ మహర్షి వారితో కొంత దూరమునడిచి 

వెళ్లవలసిన మార్గములను గూర్చియు 

తీసుకోవాల్సిన జాగ్రత్తలను తెలుపును 

అతని మాటలను జాగ్రత్తగా విన్నారు  

"ఓ నర శ్రేష్టులారా! గంగాయమునాసంగమ 

ప్రదేశమును మీరు చేరినాక

పశ్చిమాభిముఖులై యమునానది తీరమును

అనుసరించి ప్రయాణము చేయుడు. 

ఓ శ్రీరామా! యమునానది తీరమున 

జనులు నడిచే ప్రాచీనరేవును జూచి

వారి అడుగుజాడలను బట్టి 

ఆరేవును గుర్తించి తెప్పపైప్రయాణించుడు 

ఆవలి తీరమున శ్యామము అను మర్రిచెట్టు కలదు  

ఆ వృక్ష ఛాయలో సిద్ధులు నివసించెదరు 

సీతాదేవి ఆ వృక్షమునకు నమస్కరించి

శుభాశీస్సులను పొందవలెను