నేను మారను (నేను ఇలాగే ఉంటా): -అంకాల సోమయ్య -దేవరుప్పుల -జనగామ -9640748497

నేను మనసు చంపుకొనే బ్రతుకుతున్న 

మితమైన ఆశలు, ఆకాంక్షలున్న నేను 

ఆధునిక కాలంలో

 ఓ అనామకుడిగానే మిగిలిపోతున్నా!

అవినీతిపరులకునేను వత్తాసుపలకనందుకు?!

పరాన్నజీవులతో నేను సహవాసం చేయనందుకు?!

పూటకో వేషం 

మాటమాటకో అబద్ధం 

వల్లె వేయనందుకు!?

సచ్ఛీలత

సహనశీలత్వం

సమతావాదం 

మానవతావాదం 

ఇవి విశిష్టగుణాలైనా

టోకుగా అవుడేటెడ్ 

పదాలంటున్నారు 

ఈ కాలపు (అ)ధర్మాధిపతులు

కలికాలపు కంత్రితనం,

కల్లబొల్లితనం

ఊసరవెల్లి నైజం 

పుణికిపుచ్చుకోలేని 

నేను 

ఎప్పటికీ ఒంటరినే 

నేను నాలాగే ఉంటా

నేను ఇలాగే ఉంటా

నేను చచ్చినా

 రేపు 

మీ హృదయాంతరాల్లో

ఓ మధుర జ్ఞాపకమై

సజీవంగానే ఉంటా!