అక్షర ఆకాశంలో సినారె: - డా.టి.రాధాకృష్ణమాచార్యులు-9849305871

మట్టిలోంచి మొలిచిన 

మొక్క చిగురంత ఆకుపచ్చ 

చెట్టంత కవిత్వం ప్రకృతిలో విశ్వంభర పూల పరిమళం

జగమంత పల్లె నవ్వులో

ఊరు మాట్లాడింది పచ్చగ మైదాన బతుకై 

ఎదిగినకొద్దీ ఒదిగిన జ్ఞన సముద్రం

పొడుచుకొచ్చి పేజీలలో భాష

వయ్యిగా వికసించే

శతగ్రంథ వసంత యామిని

ప్రతి వసంతసీమలో ఒక పూవు వెదజల్లే వాసన నవ్వని పువ్వు తొలుత

ఎనుబదియారు వసంతాల ఘన జీవితం

ఎనబదియారు గ్రంథాల పేరు తన కవిత్వం 

రాసింది హన్మాజీపేట నేత్రం 

మానేరు తీరం నుండి హుసేన్ సాగర్ వరకు

సాలుకొక్క రసబీజాక్షర పొత్తం

ముసిముసి నగవుల నెరజాణ చిత్తం

చెట్టంత కవిత్వం కురిసిన మధు కలశం

మనసంత సృజన వెండి కంచం

తిని తాగిన ఎలనాగ కనుల

రసరమ్య గీతాల గనులు

కర్పూర వసంతరాయలు లకుమా కావ్య రమణి మణిహారం

నాగార్జున సాగరం సాంస్కృతిక అలల సింగార మంజీరవ సంపుటి

వినువీధుల రెపరెపల చేలాంచనం కవితా కన్నెల హొయలు

ఋతుచక్రం సాగింది వీచికల 

సెలయేటి నృత్యగీతాలాపనగా

రెక్కలు విప్పిన నడక నా తల్లి

మంటలు మానవుడు ఆత్మీయ మానవీయత నింపే

అక్షర గవాక్షాల చదువలమ్మ వీణియ మీటే 

సిరి వెలుగు కవిత జగమంత సినారె

మనిషి ఒక్కడే సినారె

బుచ్చమ్మ కొడుకు రక్తజన్మ లాలి సంతకం

మల్లన్న తండ్రి మేడి పట్టిన చేతుల ఊగిన జోల చిరునామా

కళలరేడు కళల సూరీడు 

కవితా సరస్వతి పలికిన పేర్లు నూరు తీర్లు 

సంపుటికొక్క పేరు మధ్యతరగతి మందహాసం అలలెత్తిన అడుగలు

కవి కంఠీరవ బడిలో హృదయోల్లాస వ్యాఖ్యల విద్యా దివాకరుడు 

ఒక పేరుతో అనంత విన్యాస విపంచి

బహునామ గ్రంథాల అబ్భుత విరించి

వాసిలో రాశిలో  బలాదూర్ రిమ్ జిమ్ అక్షరమాల హైదరబాద్ 

మనసంతా భాగ్యనగర్ చార్ మినారు 

చూసినారే ఎంత రాసినా సినారె ఎదిగినా అంత ఒదిగిన పక్షి నయన సినారె

కృష్ణవేణి తరంగినుల గోదావరి  నురగల జలకన్యలు

సుందర గమన స్నిగ్ధ కలహంసలు కదలి కడలి నృత్యాల కావ్య రచనల వెలిగె సినారె భువిని  

మహాజ్వల భావోద్వేగ దీర్ఘకావ్యం సినారె

******

జూలై 29న సినారె జన్మదినం...సందర్భం