రామలక్ష్మణులు యమునానది తీరమును దాటుట : - ఎడ్ల లక్ష్మి -సిద్దిపేట

ఆ మహార్షి ఆశ్రమమునకు తిరిగివెళ్లెను 

ఓ లక్ష్మణా! మనపై ఆ మహర్షి కృప జూపెను 

సీతారామలక్ష్మణులు నదితీరమునకు చేరిరి

ఈ నాదిని దాటుట యెట్లా? అని ఆలోచించి 

రామలక్ష్మణులు ఎండిన వెదురుకర్రలను తెచ్చి 

ఒక పెద్ద తెప్పను సిద్ధము చేసినారు 

లక్ష్మణుడు సీతాదేవి కొరకై  

చక్కని ఆసనమును ఏర్పాటు చేసినాడు

ఆ తెప్పను ఎక్కి వారు నదితీరమును దాటినారు 

మర్రి చెట్టు వద్దకు వారు చేరినారు 

సీతాదేవి ఆ వృక్షమును ప్రార్థించి

రామలక్ష్మణులతో కలిసి ముందుకు నడిచినది 

వారు సుందర ప్రదేశమున విహరించి

అనంతరము యమునా నది తీరమున 

ఒక సమతల ప్రదేశమునకు చేరి 

సీతారామ లక్ష్మణులు అచట నివసించిరి. 

===================================

అయోధ్యకాండమునందు 55వ సర్గ సమాప్తము 🙏🏻