వారు ఆవలి తీరము చేరి వత్సదేశమున ప్రవేశించుట :-ఎడ్ల లక్ష్మి -సిద్దిపేట

శుభలక్షణములు గల ఓ తమ్ముడా! 

ఈ వనమున మనము పరస్పరము 

రక్షించుకొనుచుండుట వలన 

క్లిష్టపరిస్థితులు ఏవియు ఎదురు కాలేదు 

ఇకముందు ఏ పరిస్థితులు ఎదురవునో 

సీతాదేవి వనవాసము ఎలా యుండునో 

ఇచ్చట జనసంచారము ఉండదు 

పంట పొలములే కనబడవు 

ఉద్యానవనములు కూడా యుండవు

దారులు ఎగుడు దిగుడుగా నుండును 

ప్రమాదకరమైన గుంతలు యుండును 

నేటి నుండి ఈ అడవిలో సీత నడవబోతుంది 

శ్రీరాముడు గంగానదిలో వెళ్తుంటే

సుమంత్రుడు రెప్పలార్పక చూచుచుండెను

శ్రీరాముడు గంగానదిని దాటి క్రమముగా 

వత్సరాజ్యప్రదేశములోని  ప్రయాగను ప్రవేశించును 

రామలక్ష్మణులు ఇరువురును 

ఆ వనములలో క్షత్రియ ధర్మమును అనుసరించి 

ఆశ్రమ వాసులకు హాని గూర్చినట్టి 

మృగములను వేటాడి సీతతో గూడి చెట్టునీడకు చేరినారు 

======================================

అయోధ్య కాండము నందు 52వ సర్గ సమాప్తము 🙏🏻