106వ సర్గ (2): - ఎడ్ల లక్ష్మి -\సిద్దిపేట

నాతల్లియెంతటి దుర్మార్గురాలైనను

ఆమెను చంపుట ధర్మము గాదు

నేను ధర్మబద్ధుడను అందువలన 

ఆ పాపకారి తల్లిని చంపలేకపోతున్న.

నా తల్లి కైకేయిని,నన్ను. మనతండ్రిని 

బంధుమిత్రులను,పౌరులను, పల్లెవాసులను 

అందరిని కాపాడుటకు నీవే సమర్ధుడవు 

నా ప్రార్థనలను మన్నించి అయోధ్యకు రమ్ము

ఓ ప్రభూ!వనవాసమెక్కడ? క్షాత్రధర్మమెక్కడ?

జటాధారణమెక్కడ? పరిపాలన ఎక్కడ? 

పరస్పర విరుద్ధములైన కర్మలను 

నీ వంటి పూజ్యుడు ఆచరింపతగదు.

ప్రజాపాలనరూపమైన క్షత్రియధర్మము 

ప్రత్యక్ష ఫలములను ఇచ్చునది

అటు ప్రభువు నకు ఇటు ప్రజలకు 

శుభలాభములను చేకూర్చును ఓ అగ్రజా

ఓ రఘువరా! శాస్త్ర జ్ఞానమున

జన్మ క్రమమున 

అనుసరించిన నేను నీకంటే చిన్నవాడను 

జ్యేష్టపుత్రుడవు నీవు ఉండగా 

నేను రాజ్యమును ఎట్లు పాలించగలను.