66వ సర్గ : - ఎడ్ల లక్ష్మి -సిద్దిపేట

మహారాజు మృతికి మిక్కిలి దుఃఖితురాలైన కౌసల్యా దేవి 

అసువులు వీడిన ఆ మహారాజు 

ఆరిపోయిన అగ్నివలెను నీరింకిన సముద్రము వలె

నిర్జీవుడైన తన పతిని జాచి కౌసల్యాదేవి 

పరిపరివిధముల శోకించుచుండెను 

ఓ కౄరురాలా! దుర్మార్గురాల! ఓ పాపి! 

నీ మనసులోని కోరికలు తీరెను గదా!

మహారాజును వదిలించుకుంటివి 

ఇక నీకు అడ్డు చెప్పేడి వారే లేరు 

మహారాజు మరణించి యున్నాడు

ఇచ్చట నేను అనాధనైయుంటిని 

ధర్మాత్ముడైన శ్రీరాముడు దూరాన యుండెను 

ఈ విషయములను అతడు ఎరగడు 

పవిత్రమైనట్టి నేను మృతి చెందిన ఈ మహారాజుతో 

నేడే సహగమనము చేసెదను 

ఆయన దేహంతో పాటు నా తనువును గూడా 

చితాగ్నికి ఆహుతి గావించెదను. 

పతి పార్తీవదేహము వద్దా కౌసల్యాదేవి 

సీతారామ లక్ష్మణులను దలచుకొని

విలపించుచున్న కౌసల్యాదేవిని 

పరిచారికులు దూరముగా తీసుకువెళ్లిరి