జననీ జన్మభూమిశ్చ,
స్వర్గాదపి గరీయసి!
భరతమాత అమ్మ,
విశాల భారతం దేశం!
ఇక్కడ పుట్టడం ,
మన పూర్వజన్మ సుకృతం!
సుజల ,సుఫల ,
మలయజశీతల, సుశోభితం!
తరాలన్నీ తలవంచి,
తలచేది వందేమాతరం!
ఏ దేశమేగినా పొగడరా,
జన్మభూమి భారతి!
తూర్పు పశ్చిమ దేశాల,
గాంచె ప్రఖ్యాతి!
"సారే జహాసే అచ్ఛా హిందూ,
సితా హమారా" యశోగీతి!
విశ్వ కళ్యాణ సుందరి,
నుదుటభాసించే తిలకద్యుతి!
ఈ దేశాన పుడితే లేదు,
మరుజన్మ ,మోక్షమే ప్రాప్తి!
భగవాన్ వరదాన్ ,
మేరా భారత్ మహాన్!
మై శ్రద్ధావాన్ ,
మేరా జీవన్ బలిదాన్!
నా జీవనం దేశదైవం ,
ఇచ్చిన అనన్యవరం!
దేశ వినియోగంలోనే ,
నిహితం నా యోగక్షేమం!
దేశదైవచరణారవిందాన,
నాదేహసుమం సమర్పితం!
పొగలా బతకను,
జ్వాలనై జ్వలిస్తుంటా!
ఉన్నన్నాళ్ళు స్వాతంత్రం,
కొమ్ము కాస్తుంటా!
అమరవీరుల వారసుడ్ని,
నేనేనంటా!
వ్యక్తికి బహువచనం శక్తి ,
అని నిరూపిస్తానంటా!
"దేశం-దేహం "అద్వైతం,
నా అభిమతం అంటా!
నేను నా దేశానికి భరోసా!
దేశాన నా బతుకు కులాసా!
నేను పుట్టింది దేశం కోసం!
లక్ష్యసిద్ధి ,అహర్నిశం శ్రమిస్తా!
ఈ మన్నులో,మన్నునై తరిస్తా!
________
addComments
కామెంట్ను పోస్ట్ చేయండి