96వ సర్గ : - ఎడ్ల లక్ష్మి -సిద్దిపేట

భరతుని సైన్యములను గమనించి లక్ష్మణుడు కోపగించుట 

 

"ప్రాణేశ్వరి! ‌ఈ ఫలములు భుజించుము 

ఫలముల గుజ్జుతో ఆమెను తృప్తిపరచెను 

శ్రీరామచంద్రుడు భార్య సమేతుడై 

సమతుల్యప్రదేశమున కూర్చుండగా

అచ్చటికి చేరుచున్న భరతుని సైన్యసవ్వడి 

అశ్వముల కాళీడెక్కల దుమ్ముధూళి 

ఆకాశాన్నితాకుతూ నిలిచిపోయేను 

ఎటు చూసినా దుమ్ముతో కప్పియుండెను 

ఆ మహాసేనల కోలహాల ధ్వనులకు 

పెద్ద పులులు గాండ్రించుచుండెను

వనమున మదపుటేనుగులు భయముతో 

నాలుగుదిశల పరుగులుదీసెను

శ్రీరాముడు ఆ సైన్యధ్వనులను విని

లక్ష్మణా ఏమిటి ఈ ఆశ్చర్యము!

గంభీరమైన మహాధ్వని వినబడుచున్నది 

ఓ సుమిత్రా! అది ఏమిటో గమనించు. 

ఓ సౌమిత్రీ! ఎవరైనా రాజకుమారులు 

ఈ వనమునందు వేటకై వచ్చినారా?

ఏవైనా క్రూరమృగాలు తిరుగుచున్నాయ?

ఒక్కసారి నీవు అటు వెళ్లి జూసిరమ్ము.