అమ్మే మాతొలి నేస్తం : - అంకాల సోమయ్య -దేవరుప్పుల -జనగామ -9640748497

అజరామరమైన ప్రేమకు

ప్రతీకే మా అమ్మ 

తాను తినక

మనకైదాచేది అమ్మ 

మన చిన్న బొజ్జకు అమ్మే

శ్రీరామరక్ష 

మన ఎదుగుదల కోసమై 

ఎన్ని నిద్ర లేని రాత్రులు గడిపెనో

ఎంత ధనాన్ని వ్యయం చేసెనో

మన ప్రగతిని చూసి 

మురిసిపోయేటి

సహవాసే అమ్మ 

మన అల్లరి తనకెంతో ఇష్టము 

మనం ఇల్లుపీకిపందిరేసినా

గద్ధించని అమ్మ 

మన గర్వరేఖ అమ్మ

ఆట పాటల్లో 

ఓడినా ,గెలిచినా 

భుజం తట్టునమ్మా

గెలుపు బ్రతుకుమలుపని

గెలుపే అంతిమం కాదన్న

హిత్తైషి మా అమ్మ 

అనునిత్యం పూజ్యనీయ

ప్రత్యక్ష దైవమమ్మా

కష్టసుఖంబ్రతుకున

పగలు రాత్రనే నమ్మా

చలించని ధీశాలి 

మా అమ్మే మాకు స్ఫూర్తి 

బ్రతుకు బాటనెందరో

దోస్తు గాళ్ళు కలిసినా 

తొలి నేస్తం అమ్మే

రేపటి తొలి విజయం 

తొలి ప్రొద్దు 

మా అమ్మే మా అమ్మే