సుప్రభాత కవిత : - బృంద

 

కన్నీళ్లు కనిపించకపోయినా 

మన గొంతులో దాగిన 

మాటలో దాచిన బాధ 

కనుక్కునేది.... స్నేహం

ఒంటరైన మనసుకు 

నేనున్నా నీ తోడు 

అంటూ నిలబడే 

ఓకే ఒక్క ఓదార్పు స్నేహం

వేడుకలో మునిగిన నిన్ను 

వేయిసార్లు చూసి చూసి 

ఇలాగే నవ్వుతూ ఉండమని 

మురిసిపోయే మమత.. స్నేహం

దిక్కు తోచని వేళ 

పక్కనే వుంటూ....

పెక్కు ఆలోచనలిచ్చి 

ప్రయత్నించమనే ధైర్యం... స్నేహం

నీ మనసు నీ కన్నా 

మిన్నగా తెలిసి నిన్ను 

ఆ మనసుకోరిన తోవను 

నడవమనే ప్రోత్సాహం.. స్నేహం

మరొక వేకువ మక్కువగా 

మరువక తెచ్చి కానుకగా 

మనకోసం వచ్చి నియమంగా 

తెచ్చే మిత్రునికి...

🌸🌸సుప్రభాతం 🌸🌸