భరతుడు కౌసల్య మాటలకు బాధపడుట : - ఎడ్ల లక్ష్మి -సిద్దిపేట

ధనధాన్యసంపదలతో తులతూగుచూ

రథాశ్వగజ బలములతో సమృద్ధముగాయున్న

విశాలమైన ఈ కోసల రాజ్యము 

ఆ కైక ద్వారా నీకు లభ్యమైనది 

కఠినాది కఠినమైన పెక్కు మాటలను 

కౌసల్యా దేవి భరతునితో పలికెను 

ఏ పాపము ఎరుగని ఆ మహాత్ముడైన 

భరతుని గుండెకు సూదులవలె గ్రుచ్చెను

వెంటనే భరతుడు కౌసల్య పాదాలపై బడెను

అతడు పెక్కు విధములుగా విలపించి 

అచ్చటనే స్పృహను కోల్పోయెను 

కొంతసేపటికి స్పృహలోకి వచ్చెను 

కౌసల్యకు అతడు అంజలి ఘటించెను 

కుమిలిపోవుచున్న కౌసల్యదేవితో 

భరతుడు ఇట్లు విన్నవించెను 

ఓపూజ్యురాలా! ఈ పట్టాభిషేకముగూర్చి 

నాకు ఏ విషయము తెలియదు తల్లి 

శ్రీరామునిపై నాకున్న భక్తిని నీవెరుగుదువు 

ఓ మాతా! ఏ పాపము ఎరుగని నన్ను 

నీవు ఇలా నిందించుచుంటివమ్మా!.