భిన్నమైన వేడుక: - - యామిజాల జగదీశ్

 డెన్మార్క్‌లో ఒక విభిన్నమైన పుట్టినరోజు వేడుక గురించి మీకు తెలుసా?
​25 సంవత్సరాలు నిండినా పెళ్లి కాకపోతే, వారి స్నేహితులు, కుటుంబ సభ్యులు కలిసి వారిపై తల నుండి కాళ్ళ వరకు దాల్చిన చెక్క పొడిని (cinnamon) చల్లి సరదాగా ఆడుకుం టారు. కొన్ని చోట్ల పుట్టినరోజు జరుపు కుంటున్న వ్యక్తిని కరెంటు తీగల స్తం భానికి కట్టేసి కూడా ఈ పొడి చల్లుతా రు. దీనికి వారి భాషలో "పెబెర్స్వెండ్" (pebersvend) అంటే మిరియాల వరుడు అని, మహిళలకైతే "పెబెర్మో" అంటే మిరియపు వధువు అని పేరు పెట్టారు.
​ఈ ఆచారం వెనుక ఉన్న మూలాలు డెన్మార్క్ పాత మసాలా వ్యాపారంలో ఉన్నాయి. 15 లేదా 16 వ శతాబ్దాల లో ఊరూరా తిరిగి మసాలా అమ్ముకు న్న వ్యాపారులు త్వరగా పెళ్లి చేసు కునేవారు కాదట, ఆ కారణంగానే ఈ పేరు వచ్చిందని చెబుతారు.
​అయితే 25 ఏళ్ళ వయసులో దాల్చిన చెక్క పొడి చల్లే ఈ ఆట 1960లలోనే ప్రారంభమైంది. మొదట ఉత్తర జట్ల్యాండ్ ప్రాంతంలో మొదలైన ఈ ఆచారం, 1980ల తర్వాతే డెన్మార్క్ అంతటా వ్యాపించింది.
​ఇది 25 ఏళ్లతో ఆగదు. 30 ఏళ్ళు నిండినా పెళ్లి కాకపోతే, దాల్చిన చెక్క పొడికి బదులుగా మిరియాల పొడి చల్లుతారు. మిరియాలు కళ్ళను, ముక్కును చాలా మంట పుట్టిస్తాయి కాబట్టి ఇది కొంచెం కష్టమైన అనుభ వంగా ఉంటుంది.
​బయటికి చూడడానికి కొంచెం విచిత్రంగా అనిపించినా, డెన్మార్క్‌లో ఇది స్నేహితుల మధ్య జరిగే ఒక సరదా ఆట మాత్రమే. ఇది నిర్బంధ ఆచారం కాదు, ఇష్టం లేని వారు ఇందులో పాల్గొనాల్సిన అవసరం లేదు. ఇప్పుడున్న యువత దీనిని కొంచెం కొంచెంగా తగ్గిస్తున్నారు.
​అయినా కూడా, డెన్మార్క్ సంస్కృతిలో మరచిపోలేని, ఆసక్తికరమైన ఒక ఆచారంగా ఇది నిలిచిపోయింది.