భరతా! రాజ్య సింహాసనమున పట్టాభిషిక్తుడవుకమ్మ ని కైకేయి తెలుపుట: ఎడ్ల లక్ష్మి -సిద్దిపేట

మీ తండ్రి సత్య ప్రతిజ్ఞను నిలబెట్టుకొనుటకై

శ్రీరాముని అడవులకు పంపెను 

అతని వెంట సీతా లక్ష్మణులు గూడా వెళ్ళినారు 

మిక్కిలి ఖ్యాతిగాంచిన ఆ మహారాజు 

ప్రియపుత్రుడైన శ్రీరాముడు దూరమగుట వలన 

పుత్రశోకముతో మిక్కిలి దుఃఖించెను 

అతని ఎడబాటు తట్టుకోలేక స్వర్గస్తుడాయెను 

రాజనీతిజ్ఞుడవైన ఓ భరతా! నీ కొరకై 

ఈ కార్యమును నేను నిర్వహించితిని

నీవు మహారాజ పదవిని చేపట్టుము 

నీ తల్లిగా నేను ఆజ్ఞాపిస్తున్నాను 

ఓ పుత్రా! నీవు శోకతాపములను వీడుము 

నీలో ధైర్యమును వహింపుము 

ఈ కోసల రాజ్యమునకు నీవే రాజువు 

నాయనా! భరతా! నా మాటలను వినుము 

అన్ని తెలిసిన వసిష్ట మహర్షి తో బ్రాహ్మణులతో గూడి

సాటిలేని పరాక్రమశాలియైన మీ తండ్రి 

అంత్యసంస్కారములను చేయుము 

వెంటనే కోసలరాజ్యసింహాసనమున పట్టాభిసిక్తుడవుకమ్ము."

=====================================

అయోధ్యకాండ నందు 72వ సర్గ సమాప్తము🙏🏻